Лінкі ўнівэрсальнага доступу

Ужо сёньня: візыт прэзыдэнта Грузіі ў Беларусь


Прэзыдэнт Грузіі Гіёргі Маргвэлашвілі

Падзеі 1 сакавіка ў беларускай і сусьветнай гісторыі, а таксама афіша на сёньня.

Афіша

«Дзень нараджэньня Фрыдэрыка Шапэна»

Штогод 1 сакавіка па ўсім сьвеце праходзяць акцыі ў гонар дня народзінаў польскага кампазытара Фрыдэрыка Шапэна. Сёлета ў Менску на канцэртным раялі музыкі будуць выконваць вальсы, палянэзы, мазуркі, напісаныя Шапэнам.

ГЦ «Galleria Minsk» (пр. Пераможцаў, 9).
Пачатак а 18-й гадзіне.
Уваход вольны.

Спэктакль «Каралева прыгажосьці»

Героі спэктакля зусім нечакана паказваюць схаваныя бакі сваёй натуры.

Менск, Новы тэатар (вул. Лізы Чайкінай, 16).
Пачатак у 19:00.​

Падзея дня

Прэзыдэнт Грузіі Гіёргі Маргвэлашвілі наведае Беларусь з працоўным візытам. У перадачы «Буйным плянам» на тэлеканале «Беларусь-1», якая выйшла напрыканцы лютага, Маргвэлашвілі прыгадваў асабістую сустрэчу з Аляксандрам Лукашэнкам у 2015 годзе і казаў пра патрэбу ў росьце таваразвароту зь Беларусьсю.

Дзень у гісторыі

1896 — Антуан Анры Бэкерэль адкрыў радыеактыўнасьць.

1918 — аднавіўся выхад газэты «Дзяньніца» — першай савецкай газэты на беларускай мове.

2002 — пачалася апэрацыя «Анаконда»: войскі ЗША супрацьстаялі тэрарыстычнай арганізацыі «Аль-Каіда» ў Аўганістане.

2005 — у Беларусі пачалася агульнанацыянальная забастоўка прадпрымальнікаў.

У гэты дзень нарадзіліся

1810 — Фрыдэрык Шапэн, польскі кампазытар і піяніст.

1917 — Фёдар Шмакаў, беларускі актор і рэжысэр.

1929 — Еўдакія Лось, беларуская паэтка

Помнік Еўдакіі Лось у Віцебску
Помнік Еўдакіі Лось у Віцебску

1936 — Лідзія Савік, беларуская літаратуразнаўца.

У памяці

1933 — ад сухотаў у ссылцы ў Кіраўскай вобласьці ў Расеі памёр беларускі паэт Уладзімер Жылка.

1937 — памёр мастак Юдэль Пэн, настаўнік Марка Шагала.

1960 — памёр Віктар Шутовіч, беларускі каталіцкі сьвятар, публіцыст.

2014 — памёр Леанід Левін, беларускі архітэктар.

XS
SM
MD
LG