Лінкі ўнівэрсальнага доступу

Standard & Poor’s зьвярнула ўвагу на небясьпеку «малочных войнаў» для беларускай эканомікі


Ілюстрацыйнае фота
Ілюстрацыйнае фота

Міжнароднае рэйтынгавае агенцтва Standard & Poorʼs 6 красавіка пацьвердзіла крэдытныя рэйтынгі Беларусі на ўзроўні «B/B» са «стабільным» доўгатэрміновым прагнозам.

Як піша Tut.by, экспэрты прагназуюць, што рэальны валавы ўнутраны прадукт Беларусі вернецца на «дакрызісны» ўзровень 2014 году толькі ў канцы 2019-га. Цяперашні эканамічны рост абумоўлены нармалізацыяй стасункаў з Расеяй, аднаўленьнем паставак нафты і аднаўленьнем попыту з Расеі і некалькіх эўрапейскіх краінаў.

Разам з тым Беларусь застаецца залежнай ад сыравінных тавараў — на паліўную, хімічную і мэталюргічную прамысловасьць прыпадае амаль палова экспарту Беларусі.

Калі цэны на нафту будуць падаць, гэта нэгатыўна паўплывае на эканоміку Расеі, а значыць, і на аб’ёмы беларускага экспарту. «Нафтагазавыя войны» з Расеяй нібыта завяршыліся, але Standard & Poorʼs не выключае аднаўленьня спрэчак. Да таго ж цяперашнія спрэчкі наконт паставак у Расею беларускай малочнай прадукцыі могуць мець нэгатыўныя наступствы для Беларусі — на Расею прыпадае больш як 40% замежнага гандлю Беларусі, эскаляцыя спрэчак можа пагражаць іншым сфэрам гандлю.

Расея пагражае абрынуць беларускую «малочку» праз 5–7 гадоў

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG