Лінкі ўнівэрсальнага доступу

Рэзалюцыйную частку прысуду Пальчысу зачыталі за 10 хвілінаў


На падставе часткі восьмай артыкулу 287 КПК Менскі гарадзкі суд прызнаў Пальчыса Эдуарда Аляксандравіча вінаватым: у наўмысных дзеяньнях, накіраваных на ўзбуджэньне нацыянальнай варожасьці, і ўчыненьні злачынства паводле артыкулу 130 Крымінальна-працэсуальнага кодэксу, на падставе чаго прызначыў пакараньне ў выглядзе абмежаваньня волі тэрмінам на адзін год; ва ўчыненьні злачынства, прадугледжанага часткай другой артыкулу 340 Крымінальнага кодэксу, на падставе якой з стасаваньнем артыкулу 70 Крымінальнага кодэксу прызначана пакараньне ў выглядзе абмежаваньня волі на тэрмін адзін год дзевяць месяцаў.

У адпаведнасьці з часткай 72 артыкулу Крымінальнага кодэксу ў сукупнасьці злачынстваў шляхам паглынаньня менш строга пакараньня больш строгім канчаткова прысуджана пакараньне ў выглядзе абмежаваньня волі без накіраваньня ў папраўчыя ўстановы адкрытага тыпу на тэрмін адзін год дзевяць месяцаў.

У тэрмін пакараньня Пальчысу ўключаныя наступныя тэрміны ягонага затрыманьня:

— утрыманьне пад вартай з 5 да 7 траўня 2015 году;

— знаходжаньне ў дзяржаўнай арганізацыі аховы здароўя (псыхіятрычнай лякарні) з 7 траўня па 4 чэрвеня 2015 году;

— час утрыманьня пад вартай з 23 студзеня па 28 кастрычніка 2016 году.

Такім чынам, адзін дзень знаходжаньня ў псыхіятрычнай лякарні і ўтрыманьня пад вартай залічваецца як два дні абмежаваньня волі.

Да набыцьця моцы прысуду мера стрыманьня Пальчысу зьмяняецца са знаходжаньня пад вартай на падпіску аб нявыезьдзе. А таму Пальчыс вызваляецца з-пад варты ў залі суду.

Вырак можа быць абскарджаны цягам 10 содняў з дня абвяшчэньня.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG