Міністар абароны Раймандс Вя́ёніс (Саюз «зялёных» і сялян) на пасяджэньні сэйма 3 чэрвеня абраны прэзыдэнтам Латвіі.
Падчас апошняга галасаваньня Вяёніса падтрымалі 55 дэпутатаў. Паўнамоцтвы цяпепрашняга прэзыдэнта Андрыса Берзіньша заканчваюцца 7 ліпеня, паведамляе DELFI.
У папярэдніх турах выбараў прэзыдэнта з барацьбы выбылі спачатку кандыдат ад апазыцыйнага Аб’яднаньня рэгіёнаў Латвіі Марціньш Бондарс, затым — кандыдат ад апазыцыйнай «Згоды» Сяргей Далгаполаў, а пасьля чатырох галасаваньняў у барацьбе за пасаду прэзыдэнта Латвіі застаўся адзін кандыдат — Вяёніс.
Вяёніс стане пятым прэзыдэнтам Латвіі з моманту аднаўленьня незалежнасьці краіны.
Раней Вяёніс заявіў, што яго прыярытэтамі на пасадзе прэзыдэнта будуць нацыянальнае адзінства, патрыятызм і сацыяльная справядлівасьць.
Вяёніс займаў пасаду міністра аховы навакольнага асяродзьдзя, а затым быў прызначаны міністрам абароны. Ён неаднаразова абіраўся ў сэйм і займае пасаду сустаршыні Латвійскай Зялёнай партыі.