Лінкі ўнівэрсальнага доступу

Віцяблянку, якая нарадзіла дома і страціла немаўля, вызвалілі ў залі суду

абноўлена

Вольга Сьцяпанава ў час суду

Сьцяпанаву прызналі вінаватай, асудзілі на 6 месяцаў пазбаўленьня волі ў калёніі-пасяленьні, але зьмянілі меру стрыманьня на падпіску аб нявыезьдзе.

Жанчына прызнаная вінаватай ў прычыненьні сьмерці па неасьцярожнасьці і на падставе ч.1 артыкула 144 Крымінальнага кодэксу ёй прызначана пакараньне ў выглядзе пазбаўленьня волі тэрмінам на 6 месяцаў з адбыцьцём пакараньня ў папраўчай калёніі ва ўмовах пасяленьня.

Абвінавачанай зьменена мера стрыманьня на падпіску аб нявыезьдзе і належных паводзінах, паведамляе прэс-служба Вярхоўнага суда.

Вырашана залічыць у тэрмін адбыцьця пакараньня час яе ўтрыманьня пад вартай з 6 траўня па 7 верасьня 2017 года. Прысуд не ўступіў у законную сілу і можа быць абскарджаны.

Апрача гэтага, Вольга мусіць сплаціць 310 рублёў судовых выдаткаў.

Сьцяпанаву пастанавілі вызваліць у залі суду. Ці будзе яна абскарджваць прысуд, яна пакуль ня ведае, камэнтаваць нічога ня хоча.

Увосень мінулага году, калі Сьцяпанава чакала другое дзіця, яна прыехала ў Віцебск да маці, бо зьбіралася нарадзіць у Беларусі. Сьцяпанава нарадзіла дзяўчынку 17-га лютага сёлета. Убачыўшы, што дзіця ня дыхае, яна папрасіла маці выклікаць «хуткую». На думку спадарыні Надзеі, хуткая дапамога ехала занадта доўга. І менавіта непрафэсіяналізмам мэдыкаў яна тлумачыць тое, што немаўля памерла. Сьмерць нованароджанай дзяўчынкі лекары канстатавалі ўжо пасьля шпіталізацыі маці і дзіцяці. Паводле мэдыкаў, дзіця загінула праз асьпірацыю каляплоднымі водамі, а парадзіха ў хатніх умовах ня здолела ўратаваць дачку.

Вольга Сьцяпанава
Вольга Сьцяпанава

Паводле вэрсіі сьледзтва, жанчына адмаўлялася ад мэдыцынскай дапамогі падчас цяжарнасьці і неаднойчы агучвала намер нарадзіць дома, а не ў радзільні. Маці Вольгі, спадарыня Надзея, цьвердзіць супрацьлеглае: яна кажа, што ў дачкі не было цьвёрдага намеру нарадзіць дома, хоць такі досьвед яна мела: сваё першае дзіця Сьцяпанава нарадзіла менавіта ў хатніх умовах. Але другія роды здарыліся імкліва, і таму немаўля нарадзілася ў кватэры, а не ў мэдыцынскай установе. Пацярпелым у працэсе выступае Алег Сьцяпанаў, муж падсуднай, жыхар Санкт-Пецярбургу.

Бясьпечны камфорт ці парахавая бочка? Тацяна Гайлеш, Вераніка Заўялава, Каця Муніц і Вікторыя Сьмірнова пра хатнія роды

Крымінальны кодэкс Беларусі не прадугледжвае адказнасьці за хатнія роды: жанчына мае права выбіраць, ці нараджаць у дзяржаўнай мэдыцынскай установе, ці ў іншых умовах. Справу супраць віцебскай парадзіхі распачалі не таму, што роды былі хатнія, а таму, што дзіця загінула. Пазыцыя сьледзтва палягае ў тым, што мэдыкі неаднаразова папярэджвалі Вольгу Сьцяпанаву пра верагодныя складанасьці падчас родаў без нагляду спэцыялістаў. Тым ня менш яна вырашыла нарадзіць самастойна і не дала рады ў сытуацыі, якая магла б пасьпяхова вырашыцца ў радзільні.

Вольга Сьцяпанава з адвакаткай
Вольга Сьцяпанава з адвакаткай

Ці забаронена ў Беларусі нараджаць дома?

Не. Беларускае заканадаўства ніяк не рэгулюе пытаньне родаў.

Можна нараджаць дома, і ніхто ня можа абавязаць парадзіху ехаць у шпіталь, паколькі гэта парушыць права на свабоду, прадугледжанае Канстытуцыяй Беларусі.

Але адначасова з гэтым ніхто і не абавязаны прадастаўляць прафэсійную мэдыцынскую дапамогу дома, паколькі, згодна з законам, гэта ўжо будзе называцца «незаконным лекаваньнем».

Абвінавачваньне цьвердзіла, што Вольга пакінула дзіця ва ўмовах, небясьпечных для яго жыцьця (дэкрэт прэзыдэнта № 18 «Аб дадатковых мерах па дзяржаўнай абароне дзяцей у нядобранадзейных семʼях»).

«Гэтыя роды не былі „хатнімі“, такое магло здарыцца дзе і зь кім заўгодна. Але і хатнія роды зьяўляюцца не злачынствам, а неадʼемным правам бацькоў. Вольгу і іншых жанчын не павінны караць і перасьледаваць за іх выбар», — гаворыцца ў пэтыцыі за вызваленьне Вольгі Сьцяпанавай. Да моманту публікацыі пэтыцыя набрала 32,5 тысячы галасоў.

Глядзець камэнтары (4)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG