Пры ўзброеным нападзе на гатэль і рэстаран у сталіцы Буркіна-Фасо, Уагадугу, загінулі чатыры грамадзяніны Ўкраіны, у тым ліку 9-гадовае дзіця — чальцы адной сям’і.
Адказнасьць за напад узяла на сябе экстрэмісцкая групоўка «Аль-Каіда ў краінах ісламскага Магрыбу». Пра гэта паведаміў у твітэры міністар замежных спраў Украіны Павал Клімкін.
Паводле апошніх зьвестак, ахвярамі тэракту ў Буркіна-Фасо ў пятніцу сталі 29 чалавек, сярод іх — грамадзяне Канады, Францыі, Швэйцарыі, ЗША і іншых краін.