Лінкі ўнівэрсальнага доступу

Пракаповіч агучыў заклікі да эмісіі. Лукашэнка: пустых грошай друкаваць ня будзем


Пётар Пракаповіч

Аляксандар Лукашэнка заявіў, што краіна павінна пазьбегнуць «валютных узрушэньняў, плацёжных крызісаў і іншых нэгатыўных зьяў, якія мы ўжо перажывалі».

«Калі нехта разьлічвае на маштабную эмісію, то маё патрабаваньне абсалютна вядомае і зыходзіць з сутнасьці эканамічнага разьвіцьця апошніх гадоў: пустых грошай друкаваць ня будзем. Неабходна вырашаць усе пытаньні ўласнымі сіламі за кошт граматнага эканамічнага рэгуляваньня і паляпшэньня дзелавога клімату», — сказаў Лукашэнка на нарадзе па актуальных пытаньнях разьвіцьця эканомікі, перадае БелТА.

Напярэдадні нарады tut.by апублікаваў артыкул, у якім гаворыцца пра ліст былога кіраўніка Нацбанку Пятра Пракаповіча да Лукашэнкі. Пракаповіч там піша, што эканоміка Беларусі ў стагнацыі, і згадвае пра «ўмераную эмісію».

«Шмат гаворыцца аб макраэканамічнай стабільнасьці. Але простаму чалавеку, асабліва ў рэгіёнах, ад гэтага ні холадна, ні горача, калі цэны растуць вышэй, чым на дэкляраваныя 12%, а зарплата, наадварот, абвалілася. Сёньня зарплата ў 4–5 мільёнаў (старымі) лічыцца за шчасьце ў рэгіёнах. Ніхто не прапануе альтэрнатывы, як задаволіць звычайныя патрэбы людзей. Седзячы ў Менску, добра казаць пра макраэканамічную стабільнасьць. Умераная эмісія ў гэтай сытуацыі бачыцца шмат каму адзіным рашэньнем. Бо на перакройваньне эканамічнай палітыкі прэзыдэнт ня пойдзе», — пераказвае Пятра Пракаповіча tut.by.

Экс-старшыня Нацбанку Станіслаў Багданкевіч лічыць, што грашовую эмісію праводзіць ня трэба, а павысіць заробкі беларусаў можна і без друкаваньня грошай:

Станіслаў Багданкевіч
Станіслаў Багданкевіч

«Лукашэнка ўжо зразумеў, што стварэньне пустых грошай ні да чога добрага не прыводзіць. Я наагул не разумею: навошта друкаваць грошы? Ліквіднасьць беларускай банкаўскай сыстэмы зашкальвае. Свабодных грошай у банкаў вельмі шмат — яны проста не знаходзяць, каму даваць крэдыты, хто гэтыя крэдыты зможа вярнуць. А саміх рэсурсаў вельмі шмат. Ці магчыма дасягнуць сярэдняга заробку ў 500 даляраў без эмісіі? Пяцьсот даляраў можна зрабіць розным чынам, не абавязкова ўключаць станок».

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG