«Што сьніцца жывёлам, я ня ведаю», пісаў Зыгмунд Фрэйд у сваёй працы «Тлумачэньне сноў» і прыводзіў вугорскую прыказку «сьвіньням сьняцца жалуды, а гусакам кіяхі». У разьдзеле «Сон — ажыцьцяўленьне жаданьня» заснавальнік псыхааналізу згадвае «лекара Герафіла, які жыў у старажытнасьці пры Пталямэі I, які адрозьнівае тры віды сноў: падараваныя богам; натуральныя, якія ўзьнікаюць тады, калі душа ўяўляе сабе карціны таго, што ёй карысна і што здарыцца; і зьмешаныя сны, якія ўзьнікаюць самі па сабе з прычыны набліжэньня да вобразаў, калі мы бачым тое, што мы жадаем».
Ніхто ня ведае, што сьніцца палітыкам, якім Бог паслаў сон на публічных мерапрыемствах. Можна толькі меркаваць.