21 лістапада ва Ўкраіне адзначаецца Дзень годнасьці і свабоды. З гэтай даты пачаліся дзьве ўкраінскія рэвалюцыі: Памаранчавая рэвалюцыя (2004) і Рэвалюцыя годнасьці (2013). У цэнтры Кіеву сабраліся людзі, у асноўным удзельнікі акцый пратэсту ў сталіцы 2013-2014 гадоў, каб ушанаваць памяць загінулых падчас Рэвалюцыі годнасьці. Ля Крыжа ў памяць Герояў Нябеснай Сотні адбылася сумесная паніхіда.
У Кіеве ўшаноўваюць гадавіну Рэвалюцыі Годнасьці, за якую змагаліся і беларусы ФОТАГАЛЕРЭЯ
1
21 лістапада 2013 года ва Украіне пачаўся Эўрамайдан. Гэта стала адказам на рашэньне ўладаў прыпыніць падрыхтоўку да падпісаньня Пагадненьня аб асацыяцыі з ЭЗ. Акцыі пратэсту ўзмацніліся пасьля разгону студэнцкай акцыі 30 лістапада і працягваліся да другой паловы лютага 2014 году. Сілавікі некалькі разоў спрабавалі разагнаць дэманстрантаў.
Паводле зьвестак пракуратуры, усяго падчас Рэвалюцыі годнасьці пацярпелі 2,5 тысячы чалавек, 104 з іх загінулі – большасьць у лютым 2014 году. Пасьля загінулых пратэстоўцаў сталі называць «Нябеснай сотняй». Сярод іх і беларус Міхал Жызьнеўскі.
2
Ушанаваць памяць загінулых прыйшлі каля сотні чалавек, у тым ліку сем'і герояў Нябеснай сотні і ўдзельнікаў падзей Рэвалюцыі годнасьці.
3
На Алеі Герояў Нябеснай Сотні каля храма Арханёла Міхаіла і ўкраінскіх навамучанікаў адбылася сумесная малітва за Ўкраіну.
4
Пасьля малітвы прасьпявалі гімн Украіны і тройчы ўшанавалі памяць загінуўшых Герояў Нябеснай Сотні воклічамі: «Слава!».
5
Ганаровая варта ўскладае кветкі.
6
Курсанты ўсклалі кветкі да памятнага крыжа на Алеі Герояў Нябеснай Сотні.
7
Сярод герояў «Нябеснай сотні» і беларус Міхал Жызьнеўскі, які загінуў на Эўрамайдане 22 студзеня 2014 году.
8
Ганаровая варта ля партрэтаў Герояў Нябеснай Сотні.
9
Людзі запальваюць лямпады.
10
17 лютага 2021 году Вярхоўная Рада прызнала Рэвалюцыю годнасьці ключавым момантам ва ўкраінскім дзяржаўным будаўніцтве і заклікала расьсьледаваць злачынствы супраць яе ўдзельнікаў.
11
12
13
Сьвятар Грэка-каталіцкай царквы праходзіць паўз партрэты герояў Нябеснай Сотні.
14
Удзельнікі памятнай акцыі традыцыйна б'юць у «Звон памяці».
Катэгорыі
- Мультымэдыя
- Відэа
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў