Лінкі ўнівэрсальнага доступу

Расея цікавіцца, адкуль узялася беларуская папая


Рассельгаснагляд зьвярнуўся ў беларускае Міністэрства сельскай гаспадаркі і харчаваньня з просьбай патлумачыць паходжаньне некаторых тавараў, якія пастаўляюцца ў Расею.

Пра гэта паведамляецца на сайце ведамства.

Рассельгаснагляд адзначае, што ў 2015 годзе аб’ёмы паставак зь Беларусі папаі, салаты-латук, цытрусавых, бахчавых, яблыкаў, груш, абрыкосаў, вішні, чарэшні і іншай плодаагародніннай прадукцыі беларускага паходжаньня павялічыліся больш як удвая.

Паводле Рассельгаснагляду, пастаўкі «вырабленай» у Беларусі гародніны, ягад і садавіны вядуцца ў «нехарактэрны пэрыяд высьпявання». У прыватнасці, ведамства вылучае прамаркіраваныя як беларускія — клубніцы, ажыну і маліну, якія «па марфалягічных і сэзонных прыкметах маюць статус паходжаньня з трэціх краін».

Рассельгаснагляд патрабуе ад Менску даць інфармацыю пра беларускіх вытворцаў, аб’ёмы вытворчасьці, экспарту і ўнутранага спажываньня.

Ведамства адзначае, што са сьнежня 2014 году беларускі бок «ніяк не рэагуе на шматлікія звароты Рассельгаснагляду».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG