Камітэт дзяржаўнай бясьпекі Беларусі папярэдзіў аб правядзеньні 19-20 кастрычніка навучальна-трэнавальных мерапрыемстваў супольна з Памежным камітэтам у міжнародным пункце пропуску «Олтуш», што на мяжы з Украінай.
Рух транспарту праз памежны пераход могуць абмежаваць з 3 да 5 гадзінаў ночы 20 кастрычніка. Вучэньні пройдуць «з ужываньнем зброі і тэхнікі» і будуць закрытымі для СМІ.
Трэніроўка зьвязаная з комплексам захадаў у гарантаваньні бясьпекі ІІ Эўрапейскіх гульняў, што пройдуць у Менску ў 2019 годзе. У мінулых Эўрапейскіх гульнях удзельнічалі спартоўцы ў тым ліку зь Беларусі і Ўкраіны, а таксама з шэрагу эўрапейскіх краінаў, Азэрбайджану, Армэніі, Ізраілю і Турэччыны.
Рыхтуйцеся: Лукашэнка насьцярожыўся, што беларусы «не жывуць» Эўрапейскімі гульнямі
***