Лінкі ўнівэрсальнага доступу

Неабыякавыя беларусы дапамаглі зачыніць яшчэ 4 інтэрнэт-крамы


22 сьнежня міністэрства гандлю Беларусі прыпыніла працу яшчэ чатырох інтэрнэт-крамаў.

22 сьнежня міністэрства гандлю Беларусі прыпыніла працу яшчэ чатырох інтэрнэт-крамаў.

Пра гэта паведаміла журналістам намесьніца міністра гандлю Ірына Наркевіч.

Яна сказала, што гэтыя крамы знаходзіліся не на буйных інтэрнэт-пляцоўках.

«Выявіць іх нам дапамаглі грамадзяне, якія патэлефанавалі на „гарачую“ лінію», — сказала чыноўніца.

Падставай для закрыцьця стала парушэньне інтэрнэт-крамамі заканадаўства аб гандлі і абароне правоў спажыўцоў, паведамляе БЕЛТА.

Інтэрнэт-крамы пазначалі цэны ў далярах, не падавалі поўнай інфармацыі пра прадаўца, вытворцу й імпартэра і так далей.

Гэта лічыцца грубым парушэньнем правілаў гандлю, якое дае падставу прыпыніць працу інтэрнэт-крамаў.

Паводле Наркевіч, калі гэтыя крамы выправяцца, то змогуць аднавіць працу 29 сьнежня.

На падобных падставах 20 сьнежня Міністэрства гандлю прыпыніла працу адразу 13 інтэрнэт-крамаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG