Лінкі ўнівэрсальнага доступу

Лукашэнка пашле Пуціна на тры літары і падыме войскі, — Леў Шлосберг


Леў Шлосберг

Паводле расейскага палітыка Льва Шлосберга, прэзыдэнт Расеі Ўладзімер Пуцін ніколі ня пойдзе на вайсковае ўварваньне ў Беларусь.

Такое меркаваньне палітык выказаў у інтэрвію «Апострофу».

«Чаму Пуцін крыўдзіцца на Лукашэнку, але трывае яго выпады? Проста ён ведае характар Лукашэнкі: па-першае, пашле на тры літары, а па-другое, падыме войскі», — адзначыў ён.

Паводле Шлосберга, Лукашэнка гэтаксама, як і Пуцін, трымае ўладу ў руках і нікому ня мае намеру яе аддаваць.

«Увайсьці арміяй у Беларусь немагчыма. Паўстане ўся краіна. Я ведаю настрой беларускага народа і ведаю, на што здольнае беларускае грамадзтва, у тым ліку ў пытаньнях абароны сваёй тэрыторыі. Пуцін туды ня сунецца ніколі. Гэта выключана, пры любой сытуацыі. Ён будзе злавацца, не пускаць беларускія малочныя і іншыя прадукты на расейскі рынак, але ён ніколі ня пойдзе супраць Лукашэнкі і Беларусі, бо той (як і сам Пуцін) трымае ўладу ў руках і нікому ня мае намеру яе аддаваць», — дадаў палітык.

«А ва Ўкраіне ў 2014 годзе было безуладзьдзе. Украінскія эліты самі спрыялі гэтаму безуладзьдзю ў істотнай ступені. Калі рухнуў прэзыдэнцкі рэжым, яму на зьмену маглі прыйсьці толькі часовыя выканаўцы абавязкаў, якія разумелі часовасьць і няўстойлівасьць свайго статусу. І высьветлілася, што няма каму абараняць Крым», — параўнаў ён сытуацыю ў Беларусі з станам рэчаў ва Ўкраіне перад анэксіяй Крыму.

Леў Шлосберг — расейскі палітык, дэпутат Пскоўскага абласнога сходу дэпутатаў ад апазыцыйнай партыі «Яблоко».

Глядзець камэнтары (7)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG