«Вы ведаеце мае ўстаноўкі адносна эфэктыўнасьці выкарыстаньня бюджэтных сродкаў і дзяржаўнай уласнасьці. Рацыянальнае расходаваньне кожнага бюджэтнага рубля — гэта гарантыя бясьпекі нашай краіны, — сказаў Лукашэнка. — Жыцьцё прымушае нас лічыць кожную капейку і быць максымальна эфэктыўнымі».
Лукашэнка сказаў пра спагнаньні да тых, хто неэфэктыўна выкарыстоўвае дзяржаўныя грошы:
«Ад заўвагі да буйных штрафных санкцыяў і крымінальных спраў. Але калі мы бачым памылкі, дробныя парушэньні, то гэтыя штрафы і пакараньні не павінны прыводзіць да краху або ліквідацыі прадпрыемстваў, якія гадамі папаўнялі бюджэт падаткамі».
Ён таксама адзначыў, што падчас праверкі Камітэту дзяржаўнага кантролю выяўлена шмат фактаў карупцыі і прыпісак:
«Утойваць ня буду: асобныя факты, выкладзеныя ў матэрыялах праверкі, выклікаюць у мяне сур'ёзную заклапочанасьць: прыпіскі, справакаваныя адсутнасьцю самакантролю, карупцыйныя праявы ў дзейнасьці супрацоўнікаў дзяржкантролю, павярхоўнае стаўленьне да справы і гэтак далей», — сказаў Лукашэнка.
Лукашэнка заплянаваў на 2017 год маленечкі рост эканомікі, запавольваньне інфляцыі і крыху інвэстыцыяў
Расьце доля беларусаў, якія знаходзяцца за рысай беднасьці
