Лінкі ўнівэрсальнага доступу

У Кіеве каля беларускага пасольства палілі георгіеўскія стужкі


30 ліпеня ў Кіеве каля будынка пасольства Беларусі ва Ўкраіне адбылася акцыя «Раздавім рашысцкую гадзіну». Зладзіў яе рух салідарнасьці «Разам» і яго ўкраінскія сябры.

У сваёй прамове старшыня руху Вячаслаў Сіўчык падкрэсьліў, што чорна-памаранчавая стужка, якая фактычна стала сымбалем прарасейскага сэпаратызму на ўсходзе Ўкраіны, зьяўляецца небясьпечнай і для Беларусі. Свабодная раздача такіх стужак у беларускіх гарадах — гэта крок да зьяўленьня сэпаратысцкіх «рэспублік» і на ўсходзе Беларусі — тым больш, што ў сацыяльных сетках суполкі кшталту «Гомельскай народнай рэспублікі» ўжо існуюць.

Прыканцы акцыі яе ўдзельнікі сымбалічна спалілі стужкі, якія яны называлі «каларадзкімі». Таксама ў беларускае пасольства быў перададзены зварот з патрабаваньнем забароны ў Рэспубліцы Беларусь «георгіеўскіх» стужак, бо «гэтая сымболіка выкарыстоўвалася расейскімі вайсковымі фармаваньнямі, якія ваявалі на баку Гітлера».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG