Лінкі ўнівэрсальнага доступу

«Крымінальнае чытво» па-беларуску


Квэнтын Тарантына

Квэнтыну Тарантына — 50 гадоў. Прапануем вашай увазе фільм «Крымінальнае чытво» ў беларускім дубляжы.

Квэнтын Джэром Тарантына нарадзіўся 27 сакавіка 1963 у ЗША. Амэрыканскі рэжысэр, сцэнарыст, актор і прадусар. Сусьветную вядомасьць атрымаў пасьля карціны «Крымінальнае чытво» (1994), якая прынесла яму «Залатую пальмавую галіну» Канскага кінафэстывалю, а таксама прэміі «Оскар» і «Залаты глёбус» за найлепшы сцэнар.

Баксёр Бутч падманвае на грошы гангстэра Марсэласа Ўоласа. Каб забіць Бутча, той пасылае двух бандытаў. Яны ўвязваюцца ў прыгоды. У выніку адзін загінае, а другі вырашае завязаць з крыміналам.

«Крымінальнае чытво» — быў перакладзены і агучаны ініцыятывай «Беларускі гальфстрым» у 2008 годзе. Акрамя гэтага, ініцыятыва зрабіла пераклады ўсёй сэрыі мультфільмаў пра Шрэка ды іншыя.

Крымінальнае чытво па-беларуску, відэа з сайту vk.com


Ролі агучвалі:
Рынга — Лявон Вольскі, Яланда — Ганна Вольская, Джулс — Аляксандар Памідораў, Вінцэнт — Піт Паўлаў, Марсэлас — Ігар Варашкевіч, Буч — Аляксей Янукевіч, Лэнс — Ягор Маёрчык, Мія — Людміла Шпілеўская, Зэд — Пётар Жбанаў, Джымі — Юры Баранаў, Вульф — Юры Жыгамонт, Эсмэральда — Вольга Бабак, Фаб’ен — Аляксандра Клімовіч, Маці Буча — Вольга Шастакова, Брэт — Франак Вячорка, Ракель — Вольга Чайчыц, Джодзі — Юля Чорная, Трудзі — Наста Александровіч, трэнэр Буча — Андрусь Ігнатовіч.

Ініцыятарам дубляжу выступіў Франак Вячорка, рэжысэрам Аляксандар Памідораў. Пераклад зрабіў Макс Шчур, а рэдактарамі выступілі Юрась Бушлякоў, Вінцук Вячорка й Пятро Садоўскі. Для перакладу знайшлі больш за 500 лаянак па-беларуску.

Вось некаторыя прыклады лаянкі зь фільму:

«Перастраляць на асьліны сырадой»
«Замачыць гэтага гліста»
«Сраны татаў гадзіньнік» (і цэлая гісторыя зь ім)
«Мяне завуць Вася, а ты ў гаўне і не нарывайся»
«Заткні яму зяпу!»
«Да халеры гаўнюкоў»
«Я што — маскаль, ты дзе — у Омску?»
«К херам сабачым»
«Бляха!»
«Касіць канюшыну»
«Да дупы гонар»
«Касу цыцкамі засланяць»

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG