Лінкі ўнівэрсальнага доступу

Эстонія выдасьць Украіне свайго грамадзяніна, якія ваяваў на Данбасе на баку сэпаратыстаў


Дзяржаўны суд Эстоніі 17 чэрвеня адмовіўся разглядаць касацыйную скаргу баевіка «ЛНР», грамадзяніна Эстоніі Ўладзімера Палякова, якога эстонскія ўлады маюць намер выдаць Украіне.

Рашэньне эстонскага суду азначае, што Палякова ўсё-ткі выдадуць Украіне.

Адвакат Палякова ўжо заявіў, што расчараваны рашэньнем і «застаецца спадзявацца толькі на выкананьне ўладай Украіны менскіх дамоўленасьцяў і амністыю ўсім удзельнікам баявых дзеяньняў на тэрыторыі Данецкай і Луганскай абласьцей».

Эстонскія ўлады прынялі рашэньне пра выдачу Ўладзімера Палякова Ўкраіне ў сьнежні 2015 году ў адказ на запыт Украіны. Пасьля гэтага суд першай інстанцыі абавязаў эстонскія ўлады перагледзець рашэньне, аднак урад абскардзіў гэты вэрдыкт.

34-гадовага Ўладзімера Палякова падазраюць у дачыненьні да тэрарыстычнай групоўкі. Паводле зьвестак эстонскай пракуратуры, з чэрвеня 2014 году Палякоў ваяваў у Луганску і Луганскай вобласьці супраць украінскага войска.

У лютым 2015 году эстонскія праваахоўнікі затрымалі Ўладзімера Палякова ў Нарве, на мяжы з Расеяй, куды ён спрабаваў трапіць на аўтобусе. З Расеі Палякоў плянаваў зноў выправіцца ў Луганск.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG