Лінкі ўнівэрсальнага доступу

У Менску затрымалі расейскага псыхоляга Міхаіла Казлова. Ці то за махлярства, ці то за наркотыкі і гандаль людзьмі


Міхаіл Казлоў

Падчас правядзеньня псыхалягічнага трэнінгу 14 жніўня ў Менску быў затрыманы расейскі псыхоляг Міхаіл Казлоў. Цяпер ён знаходзіцца ў Кастрычніцкім РУУС Менску. Як сказалі Свабодзе ў Сьледчым камітэце, матэрыялы ягонай справы яшчэ не паступілі да сьледчых.

Менская міліцыя распавяла, што адносна Казлова праводзіцца праверка паводле заявы аб махлярстве: 14 жніўня жанчына паведаміла па тэлефоне 102, што ў час трэнінгу яе абражалі, а таксама што Казлоў махлярскім шляхам завалодаў ейнымі 250 далярамі. Удзельнікаў трэнінгу даставілі ў міліцыю для разбору, пазьней адпусьцілі.

Але Казлова затрымлівалі ня толькі шараговыя міліцыянты, а і супрацоўнікі наркакантролю. Як заявіў Onliner.by памочнік Казлова, расейца падазраюць у гандлі людзьмі і адным з артыкулаў, зьвязаных з наркотыкамі.

Казлоў працаваў псыхолягам расейскага тэлеканалу ТНТ і рэаліці-шоў «Дом-2». Праводзіць трэнінгі па асабістым разьвіцьці, зь якімі ня раз прыяжджаў у Менск. Называе сябе лідэрам незарэгістраванай «Партыі абароны пазычальнікаў» і кандыдатам у прэзыдэнты Расеі (у якасьці такога не рэгістраваўся).

У верасьні 2016 году на Казлова ў Расеі падавалі заяву ў міліцыю за тое, што ён нібы «ладзіў оргіі»: у якасьці заданьняў для самаразьвіцьця прапаноўваў сваім кліентам групавы сэкс або танцы голымі. Паводле той заявы Казлова не прыцягвалі да адказнасьці.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG