Лінкі ўнівэрсальнага доступу

Дадаеў заявіў у судзе, што не вінаваты ў забойстве Нямцова


Заур Дадаеў

Галоўны абвінавачваны па справе аб забойстве апазыцыйнага паліытка Барыса Нямцова Заур Дадаеў адмаўляе сваю віну. На пасяджэньні Маскоўскага гарсуду 1 красавіка ён заявіў, што падчас забойства знаходзіўся ў іншым месцы. Дадаеў абверг заявы прадстаўнікоў Сьледчага камітэта пра тое, што ён актыўна супрацоўнічае са сьледзтвам. Заур Дадаеў адзначыў, што даў паказаньні пад ціскам.

Сёньня ж Масгарсуд прызнаў незаконным арышт траіх абвінавачаных па справе аб забойстве Барыса Нямцова — Хамзата Бахаева, Шагіда Губашава і Тамэрлана Эскерханава. Згодна з рашэньнем судзьдзі, усе трое застануцца пад вартай да 8 красавіка. За гэты час Басманны суд паўторна разгледзіць хадайніцтва сьледзтва аб іх арышце.

На пасяджэньні суду абарона спасылалася на працэсуальныя парушэньні падчас арышту. Басманны суд 8 сакавіка разгледзеў пытаньне пра арышты адразу трох падазраваных падчас аднаго пасяджэньня. Адвакаты настойвалі, што абраньне меры стрыманьня павінна праходзіць для кожнага фігуранта справы індывідуальна.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG