Вызначаны код, які атрымае беларускі рубель пасьля дэнамінацыі — паведаміў сайт Нацыянальнага банку Беларусі.
Раней беларускі рубель насіў код BYR. Пасьля дэнамінацыі, якая павінна быць праведзеная 1 ліпеня 2016 году, беларускі рубель атрымае код BYN, дзе BY — код краіны, а N — першая літара ангельскага слова «new» («новы»). Новы лічбавы код беларускай валюты — 933.
Нагадаем, 1 ліпеня 2016 году будзе праведзеная дэнамінацыя беларускага рубля ў суадносінах 1:10.000.
Да дэнамінацыі 2000 году лічбавы код беларускага рубля быў BYB.
Гісторыя беларускіх рублёў (ад 1992 да 2016) у карцінках
Нацыянальны банк Беларусі прэзэнтаваў журналістам грошы і манэты, якімі беларусы будуць карыстацца з 1 ліпеня 2016 году, калі пройдзе дэнамінацыя. Гэта ня першая дэнамінацыя беларуская рубля, і ня першы раз зьмяняецца іх зьнешні выгляд. Радыё Свабода прасачыла за эвалюцыяй беларускіх грошай.
Нацбанк Беларусі паказаў новыя беларускія грошы
Нацыянальны банк Беларусі прэзэнтаваў журналістам грошы і манэты, якімі беларусы будуць карыстацца з 1 ліпеня 2016 году, калі пройдзе дэнамінацыя.
