Начальнік ГУУС Менгарвыканкаму Аляксандар Барсукоў прызначаны намесьнікам міністра ўнутраных спраў. Адпаведны ўказ 10 лістапада падпісаў Аляксандар Лукашэнка.
Аляксандар Барсукоў быў прызначаны кіраўніком менскай міліцыі ў кастрычніку 2011 году, раней узначальваў Дэпартамэнт выкананьня пакараньняў МУС.
У сьнежні 2010 Барсукоў адмовіўся публічна папрасіць прабачэньня за зьбіцьцё журналістаў супрацоўнікамі міліцыі 19 сьнежня.
У 2012 годзе праз разгоны мірных акцыяў пратэсту і рэпрэсіі супраць іх удзельнікаў Аляксандар Барсукоў быў унесены ў «чорны сьпіс» Эўразьвязу.