Ён павінен запоўніць дэклярацыі аб прыбытках адразу за тры папярэднія гады: 2005—2007. Паводле словаў актывіста, яму патлумачылі, што ўзьнікла цікавасьць да крыніцаў фінансаваньня “Ветразя”, які быў зьліквідаваны ў сьнежні 2006 году. Прычына ліквідацыі — адсутнасьць юрыдычнага адрасу. Сам Алесь Масюк пра скасаваньне грамадзкага аб’яднаньня даведаўся толькі праз паўгода.
Цяпер Алесь Масюк стаіць на ўліку ў службе занятасьці. Летась яму ўдалося ўладкавацца дарожным рабочым у Слонімскае дарожна-рамонтнае будаўнічае ўпраўленьне (ДРБУ-6), але кантракт скончыўся, і яго звольнілі.
