Пяцізоркавы гатэль пабудуюць у раёне Камсамольскага возера. Ён будзе мець 7 ці 8 паверхаў, але не болей, каб не закрываць водную роўнядзь. У гатэлі 240 нумароў. На пабудову даюцца два гады.
Галоўны архітэктар Менску Віктар Нікіцін паведаміў сёньня Аляксандру Лукашэнку, што хутка побач з Палацам Рэспублікі пачнуць будаваць яшчэ адзін пяцізоркавы гатэль. Ён будзе належыць кампаніі “Кемпінскі”.