Паседжаньне Камітэту для вызваленьня Артура Фінькевіча ўзначаліў Павал Севярынец. У працы Камітэту ўзялі ўдзел паплечнікі Артура, праваабаронцы, палітыкі Вячаслаў Сіўчык і Мікола Статкевіч.
Артур Фінькевіч цяпер у магілёўскім сьледчым ізалятары. У камэры цесна — на 18 нараў 26 чалавек. Паводле заканадаўства, пакуль асуджаны чакае адказаў на касацыйныя скаргі, яго трымаюць у СІЗА. На спатканьні з маці Артур паведаміў, што турэмнае кіраўніцтва прапанавала яму напісаць заяву з просьбай перавесьціся ў так званую “зону”, дзе адбываюць пакараньне. У параўнаньні са сьледчым ізалятарам там значна лепшыя ўмовы ўтрыманьня.
Пакуль у крымінальнай справе ёсьць папярэдняя скарга на прысуд Артура Фінькевіча. Больш грунтоўную скаргу яго новая адвакатка Ганна Бахціна падасьць у абласны суд пасьля азнаямленьня з матэрыяламі крымінальнай справы і судовага працэсу.
Сябры Камітэту прынялі рашэньне задзейнічаць усе сродкі ціску на ўлады, каб вызваліць палітвязьня.
Гаворыць Павал Севярынец:
“Рыхтуецца падача скаргаў і юрыдычны круглы стол. Шэраг міжнародных мерапрыемстваў — сустрэча з эўрапейскімі
Моладзь пацьвердзіла, што маратон штодзённых вулічных акцый будзе працягвацца і нарастаць
Паплечнікі Артура Фінькевіча з “Маладога фронту” не чакалі, што акцыі на знак салідарнасьці з палітвязьнем будуць ладзіць сябры іншых незарэгістраваных арганізацый. Міліцыянты затрымалі некалькі чалавек.
Актывістка “Маладога фронту” Кася Галіцкая апавяла “Свабодзе”:
“Мы ладзім шырокую кампанію ў падтрымку і абарону Артура. У межах гэтай кампаніі мы ладзім акцыі, распаўсюджваем інфармацыйныя друкаваныя матэрыялы. Мы былі вельмі ўражаныя праявамі салідарнасьці з боку іншых моладзевых арганізацый. Мы вельмі ўдзячныя ім за тое, што яны ладзяць розныя акцыі ў падтрымку Артура, незалежна ад нас. Вялікі дзякуй. Артур — гэта наша агульная справа”.
Цягам месяцу трэба чакаць адказу з абласнога суду на касацыйную скаргу. Увесь гэты час моладзевыя актывісты зьбіраюцца штодня ладзіць акцыі салідарнасьці з Артурам Фінькевічам і распаўсюджваць сярод насельніцтва інфармацыйныя матэрыялы пра ягоную справу.
19 сьнежня Артура Фінькевіча пакаралі зьняволеньнем на паўтара году за дробныя парушэньні правілаў унутранага распарадку ў інтэрнаце магілёўскай спэцкамэндатуры, дзе моладзевы актывіст адбываў пакараньне двума гадамі абмежаваньня волі за палітычныя графіці.
