Усерасейскі цэнтар вывучэньня грамадзкай думкі абнародаваў вынікі свайго апошняга апытаньня, згодна зь якімі расейцы успрымаюць Казахстан як найбольш дружалюбную да Расеі краіну ва ўсім СНД. А узровень даверу Нарсултану Назарбаеву апярэджвае рэйтынгі кіраўнікоў іншых краінаў, уключаючы Аляксандра Лукашэнку.
І калі ў рэйтынгу дружалюбнасьці разрыў паміж Казахстанам і Беларусьсю невялікі – адпаведна 29% і 26%, дык у рэйтынгу надзейнасьці Казахстан атрымаў 38% супраць 22% у Беларусі.
Раней у падобных апытаньнях першыя месцы жыхары Расеі аддавалі выключна Беларусі.
Незалежны экспэрт Аляксандар Сасноў у інтэрвію нашаму радыё, адзначае, што, на ягоную думку, такі пералом у стаўленьні жыхароў Расеі выкліканы шэрагам рэзкіх і нэгатыўных выказваньняў Аляксандра Лукашэнкі як пра саму Расею, так і пра яе лідэра.
“Расейскія СМІ шырока данесьлі гэтыя выказваньні да жыхароў сваёй краіны, а яны адпаведным чынам на гэта адрэагавалі”, – падкрэсьлівае спадар Сасноў.