Як распавёў спадар Жаляпаў, затрыманьне ягонай машыны супрацоўнікамі ДАІ а палове на дванаццатую ночы нагадвала сцэну з дэтэктыўнага фільму.
(Жаляпаў: ) “Гэта ўжо другі дзень запар. Заўчора мяне затрымалі, дык я проста не адчыніў салён. А ўжо ўчора яны за мной гналіся, яны мяне спынялі. Я пытаюся : “Я што-небудзь парушыў?” Адказваюць : “Не, вы нічога не парушылі. Пакажыце нам машыну!” Сабралі вакол машын 7 ці 8, у іх – чалавек 30, і кажуць: “Калі вам трэба санкцыя пракурора, дык мы вашу машыну адцягнем на стаянку і заўтра пойдзем шукаць пракурора”. Тады я адчыніў ім салён, і яны дзьве гадзіны разглядалі віншаваньні Мілінкевіча, ягоныя партрэты, каляндарыкі ды ўсё іншае”.
Пакуль адны міліцыянты рабілі несанкцыянаваны дагляд, іншыя апытвалі спадара Жаляпава ў Кастрычніцкім райаддзеле. Тамсама яго папрасілі напісаць тлумачэньне, адкуль у яго матэрыялы пра кандыдата аб''яднанай апазыцыі і інструкцыі, прызначаныя зьбіральнікам подпісаў.
Хрыстафор Жаляпаў настояў, каб у дакумэнце быў зафіксавана, што дагляд рабіўся без адпаведных санкцыяў.
На думку кіраўніка віцебскага штаба Аляксандра Мілінкевіча, пратэставаць супраць прымусовага дагляду азначала б тое, што машыну з усімі друкаванымі матэрыяламі сапраўды затрымаюць на некалькі бліжэйшых выходных дзён. У такім выпадку віцебчукі не атрымалі б своечасова навагоднія віншаваньні, а сябры ініцыятыўнае групы дарма страцілі б час без патрэбных ім дакумэнтаў. Але гэтага не адбылося, і віншаваньні Аляксандра Мілінкевіча сёньня трапілі ў паштовыя скрыні. Праўда, па два паасобнікі друкаванай прадукцыі міліцыянты пакінулі сабе – для вывучэньня і справаздачы начальству.
(Жаляпаў: ) “Гэта ўжо другі дзень запар. Заўчора мяне затрымалі, дык я проста не адчыніў салён. А ўжо ўчора яны за мной гналіся, яны мяне спынялі. Я пытаюся : “Я што-небудзь парушыў?” Адказваюць : “Не, вы нічога не парушылі. Пакажыце нам машыну!” Сабралі вакол машын 7 ці 8, у іх – чалавек 30, і кажуць: “Калі вам трэба санкцыя пракурора, дык мы вашу машыну адцягнем на стаянку і заўтра пойдзем шукаць пракурора”. Тады я адчыніў ім салён, і яны дзьве гадзіны разглядалі віншаваньні Мілінкевіча, ягоныя партрэты, каляндарыкі ды ўсё іншае”.
Пакуль адны міліцыянты рабілі несанкцыянаваны дагляд, іншыя апытвалі спадара Жаляпава ў Кастрычніцкім райаддзеле. Тамсама яго папрасілі напісаць тлумачэньне, адкуль у яго матэрыялы пра кандыдата аб''яднанай апазыцыі і інструкцыі, прызначаныя зьбіральнікам подпісаў.
Хрыстафор Жаляпаў настояў, каб у дакумэнце быў зафіксавана, што дагляд рабіўся без адпаведных санкцыяў.
На думку кіраўніка віцебскага штаба Аляксандра Мілінкевіча, пратэставаць супраць прымусовага дагляду азначала б тое, што машыну з усімі друкаванымі матэрыяламі сапраўды затрымаюць на некалькі бліжэйшых выходных дзён. У такім выпадку віцебчукі не атрымалі б своечасова навагоднія віншаваньні, а сябры ініцыятыўнае групы дарма страцілі б час без патрэбных ім дакумэнтаў. Але гэтага не адбылося, і віншаваньні Аляксандра Мілінкевіча сёньня трапілі ў паштовыя скрыні. Праўда, па два паасобнікі друкаванай прадукцыі міліцыянты пакінулі сабе – для вывучэньня і справаздачы начальству.
