Праваабарончая арганізацыя выказвае "глыбокую занепакоенасьць" тым, што недзяржаўная газэта "Салідарнасць" вымушаная прыпыніць свой выхад з 1 студзеня 2006 году з той прычыны, што дзяржаўныя прадпрыемствы, якія маюць манаполію ў сфэры распаўсюджваньня пэрыядычных выданьняў, разарвалі зь ёй дагаворныя адносіны.
"Салідарнасць" – адно з 17 недзяржаўных выданьняў, якія з новага году пазбаўленыя магчымасьці распаўсюджвацца праз агульнанацыянальную дзяржаўную сыстэму падпіскі і продажу праз “Саюздрук”.
“Рэпрэсіўныя адміністрацыйныя захады” ў дачыненьні да незалежных СМІ сьведчаць пра тое, што ўлады “імкнуцца заглушыць любую крытыку”, гаворыцца ў заяве "Рэпартэраў бязь межаў".
У дакумэнце зазначана, што мэтай беларускіх уладаў зьяўляецца "Беларусь без апазыцыі". "Усе СМІ знаходзяцца пад кантролем, і ёсьць усе падставы меркаваць, што ціск на іх узмацніцца з набліжэньнем прэзыдэнцкіх выбараў", – гаворыцца ў заяве арганізацыі.
"Салідарнасць" – адно з 17 недзяржаўных выданьняў, якія з новага году пазбаўленыя магчымасьці распаўсюджвацца праз агульнанацыянальную дзяржаўную сыстэму падпіскі і продажу праз “Саюздрук”.
“Рэпрэсіўныя адміністрацыйныя захады” ў дачыненьні да незалежных СМІ сьведчаць пра тое, што ўлады “імкнуцца заглушыць любую крытыку”, гаворыцца ў заяве "Рэпартэраў бязь межаў".
У дакумэнце зазначана, што мэтай беларускіх уладаў зьяўляецца "Беларусь без апазыцыі". "Усе СМІ знаходзяцца пад кантролем, і ёсьць усе падставы меркаваць, што ціск на іх узмацніцца з набліжэньнем прэзыдэнцкіх выбараў", – гаворыцца ў заяве арганізацыі.
