Рэгістрацыя ініцыятыўных групаў Сяргея Гайдукевіча, Аляксандра Лукашэнкі, Валерыя Фралова, Аляксандра Вайтовіча і Аляксандра Казуліна адбылася вельмі хутка, без усялякіх пытаньняў.
Першая затрымка здарылася пры разглядзе заяўкі групы Аляксандра Мілінкевіча. Прадстаўніца ЦВК Надзея Кісялёва адзначыла, што ў камісіі ёсьць зьвесткі, што ён ужо фактычна пачаў сваю перадвыбарную кампанію. Паводле спадарыні Кісялёвай, у некаторых гарадах распаўсюджваюцца матэрыялы ад імя Аляксандра Мілінкевіча, якія “ўтрымліваюць элемэнты перадвыбарчай кампаніі”. Аднак гэтыя абставіны не перашкодзілі ўсім сябрам ЦВК прагаласаваць за рэгістрацыю групы. А заўвага пакуль ніяк не адаб’ецца на стаўленьні камісіі да прэтэндэнта, сказала, адказваючы на маё пытаньне, Лідзія Ярмошына:
(Ярмошына: ) “Лічыце, што гэта прэвэнтыўны захад, які скіраваны на тое, каб група прытрымлівалася закону”.
У кіраўніка ініцыятыўнай групы экс-дэпутата Сяргея Скрабца спадара Галаганюка сябры ЦВК пыталіся, ці будзе група падчас збору подпісаў казаць выбарцам пра тое, што спадар Скрабец арыштаваны. Атрымаўшы станоўчы адказ, ЦВК аднагалосна зарэгістравала і гэтую групу. Аднак працягваць сваю выбарчую кампанію былому парлямэнтару прыйдзецца з-за кратаў, патлумачыла старшыня Цэнтравыбаркаму:
(Ярмошына: ) “Ён не атрымае ніякага імунітэту. Выбарчы кодэкс ня ўмешваецца ў крымінальныя справы. Тым ня менш, у выпадку абраньня Скрабца прэзыдэнтам могуць узьнікнуць пытаньні”.
Сур’ёзную дыскусію выклікала рэгістрацыя ініцыятыўнай групы Зянона Пазьняка. Яе кіраўнік Сяргей Папкоў казаў пра тое, што Пазьняк па-ранейшаму застаецца грамадзянінам Беларусі, кіруе афіцыйна зарэгістраванай палітычнай партыяй, што ён дагэтуль мае менскую прапіску і ніколі не казаў пра адмову ад беларускай грамадзянства.
(Папкоў: ) “За гэтыя гады ўлады не зрабілі ніводнага кроку. Справа ў тым, што да гэтага часу пракуратурай прыпынена адкрытая бяз дай прычыны крымінальная справа супраць Пазьняка за артыкулы, якія надрукаваныя ў газэтах “Свабода” і “Пагоня”.
Але некаторыя сябры ЦВК, у тым ліку старшыня камісіі Лідзія Ярмошына, казалі пра тое, што Пазьняк ужо дзевяць гадоў жыве за мяжой Беларусі і фактычна “страціў сувязь з краінай”. Тым ня менш, непасрэдна перад галасаваньнем Ярмошына ў сваёй прамове сказала, што зь яе гледзішча абодва падыходы да рэгістрацыі Пазьняка маюць права на існаваньне. Яна згадала нямецкага канцлера Бісмарка, які казаў, што ў палітыцы самае галоўнае — быць пасьлядоўным. Паводле Ярмошынай, паколькі ў 2001 годзе Канстытуцыйны суд даў тлумачэньне, што Пазьняк мае права балятавацца, дык і цяпер трэба быць пасьлядоўнымі. Як вынік, сямёра сябраў ЦВК прагаласавалі за рэгістрацыю ініцыятыўнай групы Зянона Пазьняка, чацьвёра — супраць, у тым ліку і Лідзія Ярмошына.
Дакумэнты для збору подпісаў будуць выдавацца ў ЦВК сёньня і заўтра. Збор подпісаў пачынаецца 29 сьнежня і заканчваецца 27 студзеня. Каб стаць кандыдатам у прэзыдэнты, прэтэндэнту трэба сабраць 100 тысяч подпісаў выбарцаў.
Першая затрымка здарылася пры разглядзе заяўкі групы Аляксандра Мілінкевіча. Прадстаўніца ЦВК Надзея Кісялёва адзначыла, што ў камісіі ёсьць зьвесткі, што ён ужо фактычна пачаў сваю перадвыбарную кампанію. Паводле спадарыні Кісялёвай, у некаторых гарадах распаўсюджваюцца матэрыялы ад імя Аляксандра Мілінкевіча, якія “ўтрымліваюць элемэнты перадвыбарчай кампаніі”. Аднак гэтыя абставіны не перашкодзілі ўсім сябрам ЦВК прагаласаваць за рэгістрацыю групы. А заўвага пакуль ніяк не адаб’ецца на стаўленьні камісіі да прэтэндэнта, сказала, адказваючы на маё пытаньне, Лідзія Ярмошына:
(Ярмошына: ) “Лічыце, што гэта прэвэнтыўны захад, які скіраваны на тое, каб група прытрымлівалася закону”.
У кіраўніка ініцыятыўнай групы экс-дэпутата Сяргея Скрабца спадара Галаганюка сябры ЦВК пыталіся, ці будзе група падчас збору подпісаў казаць выбарцам пра тое, што спадар Скрабец арыштаваны. Атрымаўшы станоўчы адказ, ЦВК аднагалосна зарэгістравала і гэтую групу. Аднак працягваць сваю выбарчую кампанію былому парлямэнтару прыйдзецца з-за кратаў, патлумачыла старшыня Цэнтравыбаркаму:
(Ярмошына: ) “Ён не атрымае ніякага імунітэту. Выбарчы кодэкс ня ўмешваецца ў крымінальныя справы. Тым ня менш, у выпадку абраньня Скрабца прэзыдэнтам могуць узьнікнуць пытаньні”.
Сур’ёзную дыскусію выклікала рэгістрацыя ініцыятыўнай групы Зянона Пазьняка. Яе кіраўнік Сяргей Папкоў казаў пра тое, што Пазьняк па-ранейшаму застаецца грамадзянінам Беларусі, кіруе афіцыйна зарэгістраванай палітычнай партыяй, што ён дагэтуль мае менскую прапіску і ніколі не казаў пра адмову ад беларускай грамадзянства.
(Папкоў: ) “За гэтыя гады ўлады не зрабілі ніводнага кроку. Справа ў тым, што да гэтага часу пракуратурай прыпынена адкрытая бяз дай прычыны крымінальная справа супраць Пазьняка за артыкулы, якія надрукаваныя ў газэтах “Свабода” і “Пагоня”.
Але некаторыя сябры ЦВК, у тым ліку старшыня камісіі Лідзія Ярмошына, казалі пра тое, што Пазьняк ужо дзевяць гадоў жыве за мяжой Беларусі і фактычна “страціў сувязь з краінай”. Тым ня менш, непасрэдна перад галасаваньнем Ярмошына ў сваёй прамове сказала, што зь яе гледзішча абодва падыходы да рэгістрацыі Пазьняка маюць права на існаваньне. Яна згадала нямецкага канцлера Бісмарка, які казаў, што ў палітыцы самае галоўнае — быць пасьлядоўным. Паводле Ярмошынай, паколькі ў 2001 годзе Канстытуцыйны суд даў тлумачэньне, што Пазьняк мае права балятавацца, дык і цяпер трэба быць пасьлядоўнымі. Як вынік, сямёра сябраў ЦВК прагаласавалі за рэгістрацыю ініцыятыўнай групы Зянона Пазьняка, чацьвёра — супраць, у тым ліку і Лідзія Ярмошына.
Дакумэнты для збору подпісаў будуць выдавацца ў ЦВК сёньня і заўтра. Збор подпісаў пачынаецца 29 сьнежня і заканчваецца 27 студзеня. Каб стаць кандыдатам у прэзыдэнты, прэтэндэнту трэба сабраць 100 тысяч подпісаў выбарцаў.
