Прадстаўнік штабу адзінага кандыдата ад аб’яднанай апазыцыі Валеры Ўхналёў падкрэсьліў, што магчымасьці апазыцыйных партыяў вылучаць сваіх прадстаўнікоў у выбарчыя камісіі істотна паменшалі пасьля таго, як партыі страцілі рэгістрацыю сваіх суполак у многіх рэгіёнах. Аднак спадар Ухналёў збольшага задаволены вынікамі вылучэньня ў тэрытарыяльныя камісіі:
(Ухналёў: ) “Практычна ва ўсе камісіі, і не па адным чалавеку, пададзеныя нашыя прадстаўнікі. А якое рашэньне ўхваляць улады? Я думаю, што адмоўнае, бо рэальна камісіі ня будуць перафармоўвацца”.
У шэрагах апазыцыі існуе перакананьне, што, нягледзячы на масавае вылучэньне, іх прадстаўнікоў могуць не ўключыць у выбарчыя камісіі, як гэта ўжо было падчас папярэдніх кампаніяў. Гаворыць лідэр Аб’яднанай грамадзянскай партыі Анатоль Лябедзька:
(Лябедзька: ) “Гэта будзе як лякмусавая паперка — чаго чакаць ад улады, ці будуць уключаныя прадстаўнікі апазыцыі ў камісіі, ці не. Што будзе цяпер, тое будзе і ва ўчастковых камісіях”.
БСДП “Грамада”, паводле кіраўніка выбарчага штабу Аляксандра Казуліна Мечыслава Грыба, вылучыла каля пяцідзесяці сваіх прадстаўнікоў у тэрытарыяльныя выбарчыя камісіі.
(Грыб: ) “Гэта я б адносіў да палітычнага піяру — што мы падалі ў адпаведнасьці з законам, а нам адмовілі. А так, што нікога ня ўключаць, а можа, уключаць каго-небудзь аднаго ці двух — гэта зразумела, але гэта вялікага значэньня ня мае”.
Паводле сакратара ЦВК Мікалая Лазавіка, перавагу пры фармаваньні камісіяў будуць аддаваць асобам, якія маюць адпаведны досьвед. Актывіст АГП Аляксандар Пагуляеў вылучаны прэтэндэнтам у склад Гарадзенскай абласной выбарчай камісіі, ён лічыць сябе дастаткова дасьведчаным у выбарчых справах:
(Пагуляеў: ) “Я ўдзельнічаў у выбарах і ў якасьці кандыдата ў дэпутаты, і ў якасьці назіральніка, я дастаткова добра ведаю Выбарчы кодэкс і лічу сябе кампэтэнтным для такой працы”.
Спадар Пагуляеў зазначыў, што калі выканкам і прэзыдыюм аблсавету адмовяць уключыць яго ў склад выбарчай камісіі, то ён абскардзіць гэтае рашэньне ў судзе.
Апошні дзень фармаваньня тэрытарыяльных выбарчых камісіяў — 28 сьнежня. Усяго будзе створана каля 160 абласных, раённых і гарадзкіх камісіяў. Сьпісы сваіх кандыдатаў у камісіі падалі БНФ, ПКБ, АГП, “Грамада”, ЛДПБ, іншыя партыі і арганізацыі. Вылучэньне таксама адбывалася шляхам збору подпісаў і ад працоўных калектываў. Заўтра адбудзецца рэгістрацыя Цэнтравыбаркамам ініцыятыўных групаў прэтэндэнтаў на ўдзел у прэзыдэнцкіх выбарах.
(Ухналёў: ) “Практычна ва ўсе камісіі, і не па адным чалавеку, пададзеныя нашыя прадстаўнікі. А якое рашэньне ўхваляць улады? Я думаю, што адмоўнае, бо рэальна камісіі ня будуць перафармоўвацца”.
У шэрагах апазыцыі існуе перакананьне, што, нягледзячы на масавае вылучэньне, іх прадстаўнікоў могуць не ўключыць у выбарчыя камісіі, як гэта ўжо было падчас папярэдніх кампаніяў. Гаворыць лідэр Аб’яднанай грамадзянскай партыі Анатоль Лябедзька:
(Лябедзька: ) “Гэта будзе як лякмусавая паперка — чаго чакаць ад улады, ці будуць уключаныя прадстаўнікі апазыцыі ў камісіі, ці не. Што будзе цяпер, тое будзе і ва ўчастковых камісіях”.
БСДП “Грамада”, паводле кіраўніка выбарчага штабу Аляксандра Казуліна Мечыслава Грыба, вылучыла каля пяцідзесяці сваіх прадстаўнікоў у тэрытарыяльныя выбарчыя камісіі.
(Грыб: ) “Гэта я б адносіў да палітычнага піяру — што мы падалі ў адпаведнасьці з законам, а нам адмовілі. А так, што нікога ня ўключаць, а можа, уключаць каго-небудзь аднаго ці двух — гэта зразумела, але гэта вялікага значэньня ня мае”.
Паводле сакратара ЦВК Мікалая Лазавіка, перавагу пры фармаваньні камісіяў будуць аддаваць асобам, якія маюць адпаведны досьвед. Актывіст АГП Аляксандар Пагуляеў вылучаны прэтэндэнтам у склад Гарадзенскай абласной выбарчай камісіі, ён лічыць сябе дастаткова дасьведчаным у выбарчых справах:
(Пагуляеў: ) “Я ўдзельнічаў у выбарах і ў якасьці кандыдата ў дэпутаты, і ў якасьці назіральніка, я дастаткова добра ведаю Выбарчы кодэкс і лічу сябе кампэтэнтным для такой працы”.
Спадар Пагуляеў зазначыў, што калі выканкам і прэзыдыюм аблсавету адмовяць уключыць яго ў склад выбарчай камісіі, то ён абскардзіць гэтае рашэньне ў судзе.
Апошні дзень фармаваньня тэрытарыяльных выбарчых камісіяў — 28 сьнежня. Усяго будзе створана каля 160 абласных, раённых і гарадзкіх камісіяў. Сьпісы сваіх кандыдатаў у камісіі падалі БНФ, ПКБ, АГП, “Грамада”, ЛДПБ, іншыя партыі і арганізацыі. Вылучэньне таксама адбывалася шляхам збору подпісаў і ад працоўных калектываў. Заўтра адбудзецца рэгістрацыя Цэнтравыбаркамам ініцыятыўных групаў прэтэндэнтаў на ўдзел у прэзыдэнцкіх выбарах.
