Пра тое, як будзе адзначаць надыходзячыя сьвяты Радыё Свабода гаворыць былы прэзыдэнт Польшчы, ляўрэат Нобэлеўскай прэміі міру Лех Валэнса.
(Валэнса: ) “Я традыцыяналіст, таму сьвяты буду адзначаць, як заўсёды, традыцыйна. Сьвяточны стол у дзень перад Раством Хрыстовым – разам з усёй сям’ёй, пойдзем у касьцёл. Я веруючы чалавек, і таму для мяне гэтыя сьвяты маюць вялікае значэньне. На другі дзень будзем хадзіць у госьці да сяброў ці яны да нас, крыху тэлебачаньне пагляджу – вось так і буду адзначаць”.
Для кіраўніка Дэлегацыі Эўрапейскага парлямэнту ў справах Беларусі Богдана Кліха Каляды гэта сьвята выключна хатняе, якое ён праводзіць толькі з найбольш блізкімі людзьмі.
(Кліх: ) “Для мяне сьвята Раства - гэта рэч выключна прыватная. Сьвяточныя дні праходзяць з сям’ёй, зь найбольш блізкімі мне людзьмі. Увогуле Каляды, гэта сьвята сямейнае, цёплае і ўтульнае. Гэта такая традыцыя, якой застаесься яшчэ мацней адданы, калі выходзіш у палітыку, грамадзкае жыцьцё, калі цябе ведаюць шмат людзей і часу на блізкіх вельмі мала”.
Віцэ-сьпікер Эўрапейскага парлямэнту Яцэк Сарыюш-Вольскі.
(Сарыюш-Вольскі: ) “Сьвяты гэта час вяртаньня дадому. Я шмат гадоў сьвяткую Каляды толькі з сям’ёй. Будзе ёлка, вігілійная вячэра і хвіліна развагі над тым, куды мы ідзем”.
(Валэнса: ) “Я традыцыяналіст, таму сьвяты буду адзначаць, як заўсёды, традыцыйна. Сьвяточны стол у дзень перад Раством Хрыстовым – разам з усёй сям’ёй, пойдзем у касьцёл. Я веруючы чалавек, і таму для мяне гэтыя сьвяты маюць вялікае значэньне. На другі дзень будзем хадзіць у госьці да сяброў ці яны да нас, крыху тэлебачаньне пагляджу – вось так і буду адзначаць”.
Для кіраўніка Дэлегацыі Эўрапейскага парлямэнту ў справах Беларусі Богдана Кліха Каляды гэта сьвята выключна хатняе, якое ён праводзіць толькі з найбольш блізкімі людзьмі.
(Кліх: ) “Для мяне сьвята Раства - гэта рэч выключна прыватная. Сьвяточныя дні праходзяць з сям’ёй, зь найбольш блізкімі мне людзьмі. Увогуле Каляды, гэта сьвята сямейнае, цёплае і ўтульнае. Гэта такая традыцыя, якой застаесься яшчэ мацней адданы, калі выходзіш у палітыку, грамадзкае жыцьцё, калі цябе ведаюць шмат людзей і часу на блізкіх вельмі мала”.
Віцэ-сьпікер Эўрапейскага парлямэнту Яцэк Сарыюш-Вольскі.
(Сарыюш-Вольскі: ) “Сьвяты гэта час вяртаньня дадому. Я шмат гадоў сьвяткую Каляды толькі з сям’ёй. Будзе ёлка, вігілійная вячэра і хвіліна развагі над тым, куды мы ідзем”.
