Аляксандра Мілінкевіча ля будынку ЦВК сустрэлі воплескамі ягоныя паплечнікі. Кандыдата суправаджалі жонка Ірына, кіраўнік перадвыбарчага штабу Сяргей Калякін і кіраўнік ініцыятыўнай групы Аляксандар Бухвостаў.
Аляксандар Мілінкевіч папрасіў прабачэньня ў журналістаў за спазьненьне:
(Мілінкевіч: ) “Настрой добры, усьміхаемся, у кааліцыі баявы настрой. Сёньня нам, праўда, нагадалі, што мы партызанская краіна. Вайна даўно скончылася, а каб нам стварыць адпаведныя ўмовы падпольніцкія, нам выключылі сьвятло. Таму мы да вас спазьніліся”.
Аляксандар Мілінкевіч ня мае перасьцярогаў, што яго не зарэгіструюць кандыдатам на прэзыдэнта. Калі ж гэта здарыцца, то ён абяцае праводзіць растлумачальную працу сярод насельніцтва, не выключае ён у такім выпадку і байкоту, але кажа, што гэта будзе рашэньне кааліцыі.
Тое, што апрача кандыдата ад аб’яднанай апазыцыі зьявіліся іншыя дэмакратычныя прэтэндэнты А. Вайтовіч, В. Фралоў, А. Казулін, спадар Мілінкевіч адкамэнтаваў наступным чынам:
(Мілінкевіч: ) “Мы заўсёды былі за тое, каб ісьці адной калёнай. Гэта вельмі важна. На жаль, так не атрымалася. Хаця ўсе ведаюць, што большасьць структур з намі, і гэта велізарная сіла”.
Галоўным сваім рэсурсам спадар Мілінкевіч назваў людзей:
(Мілінкевіч: ) “Мы рыхтаваліся да выбарчай кампаніі не адзін дзень, кааліцыя стваралася два гады. Мы працавалі зь людзьмі ня толькі ў Менску, але і ў маленькіх гарадах і вёсках. У нас ёсьць структуры практычна ва ўсіх раёнах. Пры тым, чым ідзем далей у рэгіёны, тым там большы энтузіязм. Нам зараз у Меснку энтузіязм трэба ўзьняць, і ўсё будзе ў парадку”.
Спадар Мілінкевіч заявіў, што ён будзе дамагацца сумленнай выбарчай працэдуры і падліку галасоў:
(Мілінкевіч: ) “Мы ніякіх рэвалюцыяў ня хочам. Мы патрабуем сумленных выбараў. Гэта наша цьвёрдая пазыцыя, каб усё было паводле Канстытуцыі. Але калі ўлада так ня зробіць, я думаю, што вялікая колькасьць людзей выйдзе абараняць сваю годнасьць”.
Акрамя таго Аляксандар Мілінкевіч паведаміў, што ягоны візыт у Маскву 21 сьнежня меў прыватны характар.
Аляксандар Мілінкевіч папрасіў прабачэньня ў журналістаў за спазьненьне:
(Мілінкевіч: ) “Настрой добры, усьміхаемся, у кааліцыі баявы настрой. Сёньня нам, праўда, нагадалі, што мы партызанская краіна. Вайна даўно скончылася, а каб нам стварыць адпаведныя ўмовы падпольніцкія, нам выключылі сьвятло. Таму мы да вас спазьніліся”.
Аляксандар Мілінкевіч ня мае перасьцярогаў, што яго не зарэгіструюць кандыдатам на прэзыдэнта. Калі ж гэта здарыцца, то ён абяцае праводзіць растлумачальную працу сярод насельніцтва, не выключае ён у такім выпадку і байкоту, але кажа, што гэта будзе рашэньне кааліцыі.
Тое, што апрача кандыдата ад аб’яднанай апазыцыі зьявіліся іншыя дэмакратычныя прэтэндэнты А. Вайтовіч, В. Фралоў, А. Казулін, спадар Мілінкевіч адкамэнтаваў наступным чынам:
(Мілінкевіч: ) “Мы заўсёды былі за тое, каб ісьці адной калёнай. Гэта вельмі важна. На жаль, так не атрымалася. Хаця ўсе ведаюць, што большасьць структур з намі, і гэта велізарная сіла”.
Галоўным сваім рэсурсам спадар Мілінкевіч назваў людзей:
(Мілінкевіч: ) “Мы рыхтаваліся да выбарчай кампаніі не адзін дзень, кааліцыя стваралася два гады. Мы працавалі зь людзьмі ня толькі ў Менску, але і ў маленькіх гарадах і вёсках. У нас ёсьць структуры практычна ва ўсіх раёнах. Пры тым, чым ідзем далей у рэгіёны, тым там большы энтузіязм. Нам зараз у Меснку энтузіязм трэба ўзьняць, і ўсё будзе ў парадку”.
Спадар Мілінкевіч заявіў, што ён будзе дамагацца сумленнай выбарчай працэдуры і падліку галасоў:
(Мілінкевіч: ) “Мы ніякіх рэвалюцыяў ня хочам. Мы патрабуем сумленных выбараў. Гэта наша цьвёрдая пазыцыя, каб усё было паводле Канстытуцыі. Але калі ўлада так ня зробіць, я думаю, што вялікая колькасьць людзей выйдзе абараняць сваю годнасьць”.
Акрамя таго Аляксандар Мілінкевіч паведаміў, што ягоны візыт у Маскву 21 сьнежня меў прыватны характар.
