Спрэчкі аб тым, як павінен выглядаць першы доўгатэрміновы бюджэт Эўрапейскага Зьвязу пасьля пашырэньня гэтай арганізацыі, цягнуліся каля двух гадоў. 10 краінаў, што далучыліся да Эўразьвязу 1 траўня 2004 году – у тым ліку і Польшча - дамагаліся дапамогі з агульнаэўрапейскага бюджэту для тых сфэраў, якія яшчэ не адпавядаюць стандартам, прынятым, прыкладам, у Бэльгіі ці Аўстрыі.
Захаваньня высокіх датацыяў для сваіх фэрмэраў патрабавала Францыя, у той час, як Нямеччына і Вялікабрытанія – краіны, якія плацяць найвялікшыя складкі ў бюджэт аб’яднанай Эўропы, намагаліся іх зьменшыць.
У выніку ў часе саміту Эўразьвязу ў Брусэлі на мінулым тыдні было вырашана, што Польшча ў пэрыяд ад 2007 да 2013 году атрымае зь бюджэту Эўрапейскага зьвязу амаль 60 мільярдаў перадусім на разьвіцьцё інфраструктуры – будаўніцтва дарог, лётнішчаў, інвэстыцыі ў найбольш бедныя рэгіёны краіны.
Да гэтага трэба дадаць 27 мільярдаў эўра прамых даплатаў, якія атрымаюць цягам 6 гадоў польскія фэрмэры і каля пяці мільярдаў дапамогі ў межах гэтак званай “Лісабонскай стратэгіі”, гэта значыць, на разьвіцьцё навуковых дасьледаваньняў.
Агулам, паводле міністра ў справах Эўропы Яраслава Петраса, у пэрыяд ад 2007 да 2013 году Польшча мае магчымасьць атрымць ад Эўразьвязу 91 мільярд эўра, у той час, як ўнёсак Варшавы ў агульнаэўрапейскі бюджэт у гэтым часе складзе каля 21 мільярда.
Такім чынам, штогод Польчша мае магчымасьць атрымліваць 10 мільярдаў эўра “чыстмі” з эўрапейскага бюджэту. “Мае магчымасьць”, таму што для таго, каб выкарыстаць пэўную частку гэтых грошай, краіна павінна быць адпаведна падрыхтаваная – мець неабходныя разьлікі і бізнэс-пляны.
У гэтай справе новыя краіны-сябры Эўразьвязу маюць ўсё больш досьведу, а, значыць, узрастае шанец на тое, што бюджэтныя сродкі будуць выкарыстаныя цалкам – а гэта вялікі шанец на гвалтоўнае паскарэньне эканамічнага разьвіцьця былых краінаў усходняга блёку.
Захаваньня высокіх датацыяў для сваіх фэрмэраў патрабавала Францыя, у той час, як Нямеччына і Вялікабрытанія – краіны, якія плацяць найвялікшыя складкі ў бюджэт аб’яднанай Эўропы, намагаліся іх зьменшыць.
У выніку ў часе саміту Эўразьвязу ў Брусэлі на мінулым тыдні было вырашана, што Польшча ў пэрыяд ад 2007 да 2013 году атрымае зь бюджэту Эўрапейскага зьвязу амаль 60 мільярдаў перадусім на разьвіцьцё інфраструктуры – будаўніцтва дарог, лётнішчаў, інвэстыцыі ў найбольш бедныя рэгіёны краіны.
Да гэтага трэба дадаць 27 мільярдаў эўра прамых даплатаў, якія атрымаюць цягам 6 гадоў польскія фэрмэры і каля пяці мільярдаў дапамогі ў межах гэтак званай “Лісабонскай стратэгіі”, гэта значыць, на разьвіцьцё навуковых дасьледаваньняў.
Агулам, паводле міністра ў справах Эўропы Яраслава Петраса, у пэрыяд ад 2007 да 2013 году Польшча мае магчымасьць атрымць ад Эўразьвязу 91 мільярд эўра, у той час, як ўнёсак Варшавы ў агульнаэўрапейскі бюджэт у гэтым часе складзе каля 21 мільярда.
Такім чынам, штогод Польчша мае магчымасьць атрымліваць 10 мільярдаў эўра “чыстмі” з эўрапейскага бюджэту. “Мае магчымасьць”, таму што для таго, каб выкарыстаць пэўную частку гэтых грошай, краіна павінна быць адпаведна падрыхтаваная – мець неабходныя разьлікі і бізнэс-пляны.
У гэтай справе новыя краіны-сябры Эўразьвязу маюць ўсё больш досьведу, а, значыць, узрастае шанец на тое, што бюджэтныя сродкі будуць выкарыстаныя цалкам – а гэта вялікі шанец на гвалтоўнае паскарэньне эканамічнага разьвіцьця былых краінаў усходняга блёку.
