Пастар Андрэй Сідар паведаміў “Свабодзе”, што ня можа зарэгістраваць царкву па новым адрасе, бо, паводле яго словаў, чыноўнікі выканкаму забараняюць уладальнікам офісаў даваць вернікам свой адрас.
(Сідар: ) “Пратэстанцкія суполкі ў нашай краіне сёньня дыскрэдытуюць у грамадзтве. Гэта ненармальны стан. Мы дамовіліся з чалавекам аб рэгістрацыі, а потым ён нам кажа, што да яго прыйшлі чыноўнікі з Фрунзенскага выканкаму. Яны пагражалі, што калі ён дасьць нам юрыдычны адрас, то будзе мець вялікія праблемы ў сваёй працы. Як пацьверджаньне іх словаў, прыйшлі пажарныя, электрыкі, санстанцыя, і чалавек адмовіў нам. Апошні час ідзе ўціск на пратэстанцкія суполкі, каб абмежаваць іх дзейнасьць і нават ліквідаваць іх. Усё робіцца дзеля таго, каб толькі адна канфэсія мела правы і прывілеі. Гэтага ня можа быць у сапраўднай прававой дзяржаве”.
Суполка была зарэгістраваная ў 1998 годзе ў Менгарвыканкаме. Яна ўваходзіць у аб’яднаньне суполак “Хрысьціянаў поўнага Эвангельля”. У 2004 годзе вернікі зарэгістраваліся ў нежылым фондзе, як гэтага патрабуе новы Закон аб рэлігіях, а таксама прайшлі перарэгістрацыю. Сёлета 31 кастрычніка дамова арэнды скончылася.
Загадчыца аддзелу ў справах рэлігіяў і нацыянальнасьцяў Менгарвыканкаму Ала Рабіцава ў гэтай сытуацыі абвінавачвае самога пастара Андрэя Сідара:
(Рабіцава: ) “Хай бы Сідар ішоў і займаўся б пошукам юрыдычнага адрасу. У нас ёсьць цяпер конкурсная падстава, так званы тэндэр. На тэндэры яму даюць кінутыя, абсалютна нікому не патрэбныя адрасы. Ён іх бярэ афіцыйна і плаціць… Ён папросту ня хоча гэтага рабіць. Гэта іншае пытаньне”.
Пастара суполкі “Сьвятло сьвету” Андрэя Сідара могуць цяпер штрафаваць за правядзеньне набажэнстваў без дазволу ўладаў, а пасьля двух папярэджаньняў суд можа зьліквідаваць суполку.
Цягам трох месяцаў Менскі гарадзкі суд ужо зьліквідаваў тры пратэстанцкія суполкі — “Беларускую Эвангельскую царкву”, пастарам якой зьяўляецца Эрнэст Сабіла, суполку кальвіністаў, дзе пастарам Леанід Ліпень, і суполку “Запавет Хрыста” пастара Георгія Вязоўскага.
Пад пагрозай ліквідацыі апынулася пратэстанцкая суполка “Новае жыцьцё”, а цяпер і “Сьвятло сьвету”.
(Сідар: ) “Пратэстанцкія суполкі ў нашай краіне сёньня дыскрэдытуюць у грамадзтве. Гэта ненармальны стан. Мы дамовіліся з чалавекам аб рэгістрацыі, а потым ён нам кажа, што да яго прыйшлі чыноўнікі з Фрунзенскага выканкаму. Яны пагражалі, што калі ён дасьць нам юрыдычны адрас, то будзе мець вялікія праблемы ў сваёй працы. Як пацьверджаньне іх словаў, прыйшлі пажарныя, электрыкі, санстанцыя, і чалавек адмовіў нам. Апошні час ідзе ўціск на пратэстанцкія суполкі, каб абмежаваць іх дзейнасьць і нават ліквідаваць іх. Усё робіцца дзеля таго, каб толькі адна канфэсія мела правы і прывілеі. Гэтага ня можа быць у сапраўднай прававой дзяржаве”.
Суполка была зарэгістраваная ў 1998 годзе ў Менгарвыканкаме. Яна ўваходзіць у аб’яднаньне суполак “Хрысьціянаў поўнага Эвангельля”. У 2004 годзе вернікі зарэгістраваліся ў нежылым фондзе, як гэтага патрабуе новы Закон аб рэлігіях, а таксама прайшлі перарэгістрацыю. Сёлета 31 кастрычніка дамова арэнды скончылася.
Загадчыца аддзелу ў справах рэлігіяў і нацыянальнасьцяў Менгарвыканкаму Ала Рабіцава ў гэтай сытуацыі абвінавачвае самога пастара Андрэя Сідара:
(Рабіцава: ) “Хай бы Сідар ішоў і займаўся б пошукам юрыдычнага адрасу. У нас ёсьць цяпер конкурсная падстава, так званы тэндэр. На тэндэры яму даюць кінутыя, абсалютна нікому не патрэбныя адрасы. Ён іх бярэ афіцыйна і плаціць… Ён папросту ня хоча гэтага рабіць. Гэта іншае пытаньне”.
Пастара суполкі “Сьвятло сьвету” Андрэя Сідара могуць цяпер штрафаваць за правядзеньне набажэнстваў без дазволу ўладаў, а пасьля двух папярэджаньняў суд можа зьліквідаваць суполку.
Цягам трох месяцаў Менскі гарадзкі суд ужо зьліквідаваў тры пратэстанцкія суполкі — “Беларускую Эвангельскую царкву”, пастарам якой зьяўляецца Эрнэст Сабіла, суполку кальвіністаў, дзе пастарам Леанід Ліпень, і суполку “Запавет Хрыста” пастара Георгія Вязоўскага.
Пад пагрозай ліквідацыі апынулася пратэстанцкая суполка “Новае жыцьцё”, а цяпер і “Сьвятло сьвету”.
