Адна з арганізатарак акцыі, журналістка Ірына Халіп, разьлічвае, што ў ёй возьмуць удзел сотні беларускіх грамадзянаў у розных рэгіёнах краіны.
(Халіп: ) “Першыя дзьве акцыі, якія прайшлі ў кастрычніку і ў лістападзе, паказалі, што народ сапраўды гатовы праяўляць сваю салідарнасьць. Думаю, што сёньня, асабліва ў зьвязку з апошнімі падзеямі, тым, што абвешчаны прэзыдэнцкія выбары, у акцыі салідарнасьці возьме яшчэ большая колькасьць людзей, чым у мінулым месяцы”.
Сябра Рады інтэлігенцыі Зінаіда Бандарэнка трэці раз будзе ўдзельнічаць у акцыі.
(Бандарэнка: ) “Я думаю, што 16-га кожнага месяца — гэта тая лічба, якая вызначае нашу салідарнасьць і мабілізуе ўсё больш і больш людзей. Першы раз было ня так багата сьвечачак, калі я глядзела насупраць свайго дому. Мінулы раз іх было больш. Упэўнена, што сёньня іх колькасьць павялічыцца. Так і павінна быць”.
Мечыслаў Грыб падтрымлівае ідэю акцыі салідарнасьці зь сем’ямі палітвязьняў і зьніклых, але лічыць, што арганізатарам цяжка будзе прыцягнуць да яе ўвагу вялікай колькасьці людзей.
(Грыб: ) “Сьвятая справа. Зразумела, мы таксама падтрымаем гэтую акцыю. А 8-й вечара пагасім сьвятло ў кватэры і паставім сьвечкі на падваконьнік. Далёка ня ўсе ведаюць пра гэтую акцыю. Ну, няма ж ніякіх сродкаў інфармацыі, каб пра яе казаць! “Народнай Волі” няма ў шапіку. Радыё няма, тэлебачаньня няма. Нічога няма! Радыё Свабода таксама слухаюць ня ўсе. Большасьць, абсалютная большасьць людзей ня ведае пра гэтую акцыю”.
У цэнтры Менску на будынках апошні час зьяўляліся налепкі з заклікам далучыцца да акцыі. Але супрацоўнікі міліцыі, як правіла, празь некалькі хвілінаў іх здымалі. Пяцёх сяброў моладзевага руху “Зубр” затрымлівалі за распаўсюд такіх улётак. Міліцыянты ўлёткі пакінулі ў пастарунку, а хлопцаў адпусьцілі без складаньня пратаколаў.
Самі палітвязьні, Павал Севярынец, Мікола Статкевіч і Андрэй Клімаў, якія адбываюць пакараньне на “хіміі” за аганізацыю вулічных дэманстрацыяў, таксама возьмуць удзел у акцыі салідарнасьці.
(Халіп: ) “Першыя дзьве акцыі, якія прайшлі ў кастрычніку і ў лістападзе, паказалі, што народ сапраўды гатовы праяўляць сваю салідарнасьць. Думаю, што сёньня, асабліва ў зьвязку з апошнімі падзеямі, тым, што абвешчаны прэзыдэнцкія выбары, у акцыі салідарнасьці возьме яшчэ большая колькасьць людзей, чым у мінулым месяцы”.
Сябра Рады інтэлігенцыі Зінаіда Бандарэнка трэці раз будзе ўдзельнічаць у акцыі.
(Бандарэнка: ) “Я думаю, што 16-га кожнага месяца — гэта тая лічба, якая вызначае нашу салідарнасьць і мабілізуе ўсё больш і больш людзей. Першы раз было ня так багата сьвечачак, калі я глядзела насупраць свайго дому. Мінулы раз іх было больш. Упэўнена, што сёньня іх колькасьць павялічыцца. Так і павінна быць”.
Мечыслаў Грыб падтрымлівае ідэю акцыі салідарнасьці зь сем’ямі палітвязьняў і зьніклых, але лічыць, што арганізатарам цяжка будзе прыцягнуць да яе ўвагу вялікай колькасьці людзей.
(Грыб: ) “Сьвятая справа. Зразумела, мы таксама падтрымаем гэтую акцыю. А 8-й вечара пагасім сьвятло ў кватэры і паставім сьвечкі на падваконьнік. Далёка ня ўсе ведаюць пра гэтую акцыю. Ну, няма ж ніякіх сродкаў інфармацыі, каб пра яе казаць! “Народнай Волі” няма ў шапіку. Радыё няма, тэлебачаньня няма. Нічога няма! Радыё Свабода таксама слухаюць ня ўсе. Большасьць, абсалютная большасьць людзей ня ведае пра гэтую акцыю”.
У цэнтры Менску на будынках апошні час зьяўляліся налепкі з заклікам далучыцца да акцыі. Але супрацоўнікі міліцыі, як правіла, празь некалькі хвілінаў іх здымалі. Пяцёх сяброў моладзевага руху “Зубр” затрымлівалі за распаўсюд такіх улётак. Міліцыянты ўлёткі пакінулі ў пастарунку, а хлопцаў адпусьцілі без складаньня пратаколаў.
Самі палітвязьні, Павал Севярынец, Мікола Статкевіч і Андрэй Клімаў, якія адбываюць пакараньне на “хіміі” за аганізацыю вулічных дэманстрацыяў, таксама возьмуць удзел у акцыі салідарнасьці.