Аляксандар Шыманскі стаў шостым пасажырам за апошнія тыдні, які трапіў у шпіталь пасьля таго, як яго ўдарыла токам у тралейбусе. Гэта здарылася ў цэнтры гораду ля заводу “Гарызонт”, калі 18-гадовы хлопец уваходзіў у новы тралейбус №29.
25 лістапада загінула студэнтка Дар’я Голуб. Па факце сьмерці пракуратура распачала крымінальную справу. Высьвятляюцца прычыны трагедыі. Сьледчыя вывучаюць таксама выпадкі з пацярпелымі Алай Сінюк, Тамарай Патаповіч, Вольгай Ігнатовіч, Зьмітром Сайком і Аляксандрам Шыманскім.
Генэральны дырэктар “Белкамунмашу”, дзе вырабілі тралейбусы, Іван Сафонаў лічыць, што ніякай праблемы не існуе.
(Сафонаў: ) “А вы з аўтамабіля не спрабавалі выходзіць? Вас токам б’е? Ну, бывае, што б’е. Я лічу суб’ектыўна, што могуць быць розныя абставіны — напрыклад, маланка. У прынцыпе, увесь транспарт сканструявалі так, каб не было няшчасных выпадкаў. Усё для бясьпекі пасажыраў. У канструкцыі памылкі быць ня можа. А на матэрыялах мы не эканомілі і ніякіх там замяняльнікаў… Такога ня можа быць. Мы толькі ад Менску атрымалі замову на сто новых тралейбусаў. Так што нічога страшнага. Я жадаю вам шчасьлівай дарогі. Чалавек сам зьяўляецца правадніком, і правадзімасьць залежыць ад ягонага фізычнага стану — мокры ён ці сыры, якія ў яго ногі — потныя ці няпотныя”.
Намесьнік галоўнага інжынэра “Менгартрансу” Ўладзімер Раманаў паведаміў Радыё Свабода, што прычыну здарэньняў на транспарце яшчэ ня высьветлілі.
(Раманаў: ) “Працуе камісія. Яны вэрдыкту яшчэ ня вынесьлі. Мы тралейбусы штодня правяраем… Чаму яны сталі токам біцца? Ну, вось камісія і адкажа потым. Адкуль зьяўляюцца токі, нам пакуль незразумела. Ну, што рабіць? Езьдзіць на тралейбусах трэба, бо аўтобусы ж не паўсюль ходзяць. Канечне, выпадкі нядобрыя, але — што казаць”.
Пацярпелыя пасажыры атрымаюць грашовую кампэнсацыю ад страхавой кампаніі. Некаторыя зь іх маюць намер зьвярнуцца ў суды па маральную кампэнсацыю. Яны кажуць, што сталі баяцца заходзіць у тралейбус.
Гаворыць Аляксандар Шыманскі:
(Шыманскі: ) “Новы тралейбус… Толькі нагу паставіў, нават рукой не крануў нічога — і адразу такія непрыемныя адчуваньні і моцны боль адчуў. Паваліўся. Людзі мяне паднялі, ну я другі раз паспрабаваў увайсьці ў тралейбус. Мяне зноў ударыла токам. Цяпер я падумаю, ці карыстацца мне тралейбусам, ці езьдзіць на аўтобусе”.
Кардыёлягі папярэджваюць, што ўдар токам можа выклікаць сур’ёзныя наступствы, якія могуць выявіцца ажно цягам трох гадоў пасьля здарэньня. У чалавека можа разьвіцца арытмія, а нават раптоўна спыніцца сэрца.
У “Менгартрансе” паведамілі, што камісія, якая расьсьледуе прычыны здарэньняў, можа агучыць першыя высновы 13 сьнежня.
Гл. таксама Ці не апасаюцца жыхары Менску езьдзіць тралейбусамі? Шосты запар чалавек пацярпеў ад электратоку ў сталічным тралейбусе
25 лістапада загінула студэнтка Дар’я Голуб. Па факце сьмерці пракуратура распачала крымінальную справу. Высьвятляюцца прычыны трагедыі. Сьледчыя вывучаюць таксама выпадкі з пацярпелымі Алай Сінюк, Тамарай Патаповіч, Вольгай Ігнатовіч, Зьмітром Сайком і Аляксандрам Шыманскім.
Генэральны дырэктар “Белкамунмашу”, дзе вырабілі тралейбусы, Іван Сафонаў лічыць, што ніякай праблемы не існуе.
(Сафонаў: ) “А вы з аўтамабіля не спрабавалі выходзіць? Вас токам б’е? Ну, бывае, што б’е. Я лічу суб’ектыўна, што могуць быць розныя абставіны — напрыклад, маланка. У прынцыпе, увесь транспарт сканструявалі так, каб не было няшчасных выпадкаў. Усё для бясьпекі пасажыраў. У канструкцыі памылкі быць ня можа. А на матэрыялах мы не эканомілі і ніякіх там замяняльнікаў… Такога ня можа быць. Мы толькі ад Менску атрымалі замову на сто новых тралейбусаў. Так што нічога страшнага. Я жадаю вам шчасьлівай дарогі. Чалавек сам зьяўляецца правадніком, і правадзімасьць залежыць ад ягонага фізычнага стану — мокры ён ці сыры, якія ў яго ногі — потныя ці няпотныя”.
Намесьнік галоўнага інжынэра “Менгартрансу” Ўладзімер Раманаў паведаміў Радыё Свабода, што прычыну здарэньняў на транспарце яшчэ ня высьветлілі.
(Раманаў: ) “Працуе камісія. Яны вэрдыкту яшчэ ня вынесьлі. Мы тралейбусы штодня правяраем… Чаму яны сталі токам біцца? Ну, вось камісія і адкажа потым. Адкуль зьяўляюцца токі, нам пакуль незразумела. Ну, што рабіць? Езьдзіць на тралейбусах трэба, бо аўтобусы ж не паўсюль ходзяць. Канечне, выпадкі нядобрыя, але — што казаць”.
Пацярпелыя пасажыры атрымаюць грашовую кампэнсацыю ад страхавой кампаніі. Некаторыя зь іх маюць намер зьвярнуцца ў суды па маральную кампэнсацыю. Яны кажуць, што сталі баяцца заходзіць у тралейбус.
Гаворыць Аляксандар Шыманскі:
(Шыманскі: ) “Новы тралейбус… Толькі нагу паставіў, нават рукой не крануў нічога — і адразу такія непрыемныя адчуваньні і моцны боль адчуў. Паваліўся. Людзі мяне паднялі, ну я другі раз паспрабаваў увайсьці ў тралейбус. Мяне зноў ударыла токам. Цяпер я падумаю, ці карыстацца мне тралейбусам, ці езьдзіць на аўтобусе”.
Кардыёлягі папярэджваюць, што ўдар токам можа выклікаць сур’ёзныя наступствы, якія могуць выявіцца ажно цягам трох гадоў пасьля здарэньня. У чалавека можа разьвіцца арытмія, а нават раптоўна спыніцца сэрца.
У “Менгартрансе” паведамілі, што камісія, якая расьсьледуе прычыны здарэньняў, можа агучыць першыя высновы 13 сьнежня.
Гл. таксама Ці не апасаюцца жыхары Менску езьдзіць тралейбусамі? Шосты запар чалавек пацярпеў ад электратоку ў сталічным тралейбусе
