Праграмны дырэктар “Альфа Радыё” Дзьмітры Шунін ня будзе абскарджваць рашэньне суду, паколькі, як ён патлумачыў Радыё Свабода, судовыя разьбіральніцтвы, што цягнуліся больш за месяц, перашкаджаюць ягонай працы.
(Шунін: ) “Мне так брыдка, што я проста забыў бы і ня згадваў пра гэта”.
Нагадаю, у кастрычніку два жыхары Менску падалі ў суд на “Альфа Радыё” і яго праграмнага дырэктара Дзьмітрыя Шуніна і выставілі пазоў з патрабаваньнем 35 мільёнаў рублёў кампэнсацыі за абразу гонару і годнасьці.
Розыгрыш, які стаў прадметам судовага разьбіральніцтва, прагучаў у ранішняй праграме “Альфа Радыё” “Кукурузьнік-шоў” два гады таму.
Дзьмітры Шунін патэлефанаваў жыхару Менску, прадставіўся начальнікам аддзелу барацьбы з арганізаванай прастытуцыяй міністэрства ўнутраных справаў і папрасіў унесьці заклад 700 тысячаў рублёў за сябра, якога нібыта затрымалі ў публічным доме.
Пазьней запіс розыгрышу, як найбольш удалага, пакінулі ў архіве радыё, і сёлета ізноў выкарысталі ў эфіры, што і выклікала, як лічыць Дзьмітры Шунін, такую неадпаведную рэакцыю.
Пазьней, да судовага разьбіральніцтва быў прыцягнуты інтэрнэт-партал Tut.by за разьмяшчэньне спасылкі на запіс радыёперадачы. Агулам пазоўнікі патрабавалі ўжо 40 мільёнаў рублёў. Але суд Першамайскага раёну Менску адхіліў пазоў да Tut.by. Гаворыць дырэктар парталу Юры Зісер:
(Зісер: ) “Увогуле, гэта непаразуменьне, паколькі пазоўнікі вырашылі, што гэта мы разьмясьцілі фанаграму. А мы разьмясьцілі толькі спасылку на яе. І калі гэта высьветлілася, то пазоў страціў сэнс”.
Як паведаміў Радыё Свабода генэральны прадусар "Альфа Радыё" Сяргей Ражкоў, суд адхіліў пазоў жыхара Менску, якога разыгралі, а таму спадару, якога Шунін згадаў у розыгрышы, выплацяць кампэнсацыю.
(Ражкоў: ) “Тое, што мы не пацярпелі паразу, гэта дакладна, хаця “Альфа Радыё” і прысудзілі выплаціць 700 тысячаў рублёў, а Дзьмітрыю Шуніну 900 тысячаў. У прынцыпе нас такі варыянт задавальняе”.
Кіраўнік цэнтру юрыдычнай дапамогі журналістам Беларускай Асацыяцыі журналістаў Міхаіл Пастухоў мяркуе, што ў дадзеным выпадку суд прызначыў празьмерную кампэнсацыю.
(Пастухоў: ) “Сума ўсё ж вялікая, нават калі і не вылічваецца мільёнамі. І калі дадаць, што гэта ўсё ж быў жарт, то яна ўвогуле астранамічная. Наколькі я ведаю, гэта першы выпадак у судовай практыцы апошніх гадоў, калі СМІ матэрыяльна караюць за жарт”.
Як паведаміў Радыё Свабода праграмны дырэктар “Альфа Радыё” Дзьмітры Шунін, ён зрабіў высновы з гэтай гісторыі, і цяпер у розыгрышах ў эфіры ён ня будзе ўжываць прозьвішчы людзей і назвы фірмаў, дзе яны працуюць.
(Шунін: ) “Мне так брыдка, што я проста забыў бы і ня згадваў пра гэта”.
Нагадаю, у кастрычніку два жыхары Менску падалі ў суд на “Альфа Радыё” і яго праграмнага дырэктара Дзьмітрыя Шуніна і выставілі пазоў з патрабаваньнем 35 мільёнаў рублёў кампэнсацыі за абразу гонару і годнасьці.
Розыгрыш, які стаў прадметам судовага разьбіральніцтва, прагучаў у ранішняй праграме “Альфа Радыё” “Кукурузьнік-шоў” два гады таму.
Дзьмітры Шунін патэлефанаваў жыхару Менску, прадставіўся начальнікам аддзелу барацьбы з арганізаванай прастытуцыяй міністэрства ўнутраных справаў і папрасіў унесьці заклад 700 тысячаў рублёў за сябра, якога нібыта затрымалі ў публічным доме.
Пазьней запіс розыгрышу, як найбольш удалага, пакінулі ў архіве радыё, і сёлета ізноў выкарысталі ў эфіры, што і выклікала, як лічыць Дзьмітры Шунін, такую неадпаведную рэакцыю.
Пазьней, да судовага разьбіральніцтва быў прыцягнуты інтэрнэт-партал Tut.by за разьмяшчэньне спасылкі на запіс радыёперадачы. Агулам пазоўнікі патрабавалі ўжо 40 мільёнаў рублёў. Але суд Першамайскага раёну Менску адхіліў пазоў да Tut.by. Гаворыць дырэктар парталу Юры Зісер:
(Зісер: ) “Увогуле, гэта непаразуменьне, паколькі пазоўнікі вырашылі, што гэта мы разьмясьцілі фанаграму. А мы разьмясьцілі толькі спасылку на яе. І калі гэта высьветлілася, то пазоў страціў сэнс”.
Як паведаміў Радыё Свабода генэральны прадусар "Альфа Радыё" Сяргей Ражкоў, суд адхіліў пазоў жыхара Менску, якога разыгралі, а таму спадару, якога Шунін згадаў у розыгрышы, выплацяць кампэнсацыю.
(Ражкоў: ) “Тое, што мы не пацярпелі паразу, гэта дакладна, хаця “Альфа Радыё” і прысудзілі выплаціць 700 тысячаў рублёў, а Дзьмітрыю Шуніну 900 тысячаў. У прынцыпе нас такі варыянт задавальняе”.
Кіраўнік цэнтру юрыдычнай дапамогі журналістам Беларускай Асацыяцыі журналістаў Міхаіл Пастухоў мяркуе, што ў дадзеным выпадку суд прызначыў празьмерную кампэнсацыю.
(Пастухоў: ) “Сума ўсё ж вялікая, нават калі і не вылічваецца мільёнамі. І калі дадаць, што гэта ўсё ж быў жарт, то яна ўвогуле астранамічная. Наколькі я ведаю, гэта першы выпадак у судовай практыцы апошніх гадоў, калі СМІ матэрыяльна караюць за жарт”.
Як паведаміў Радыё Свабода праграмны дырэктар “Альфа Радыё” Дзьмітры Шунін, ён зрабіў высновы з гэтай гісторыі, і цяпер у розыгрышах ў эфіры ён ня будзе ўжываць прозьвішчы людзей і назвы фірмаў, дзе яны працуюць.