Асноўныя прынцыпы новай ініцыятывы былі сфармуляваныя прэзыдэнтамі Ўкраіны і Грузіі Віктарам Юшчанкам і Міхаілам Саакашвілі ў іхнай сумеснай заяве ў жніўні, калі яны сустракаліся на ў грузінскім курорце Баржомі.
Гэтыя прынцыпы былі сёньня разьвітыя прэзыдэнтамі дзевяці краінаў з Балканаў, Балтыкі і Чарнаморскага рэгіёну, якія і падпісалі ў Кіеве канчатковую дэклярацыю.
У ёй яны абавязаліся шчыльна супрацоўнічаць дзеля “ўмацаваньня міру, дэмакратыі і паляпшэньня дабрабыту на эўрапейскім кантынэнце”.
Прэзыдэнт Расеі Уладзімер Пуцін не прыняў запрашэньня ўдзельнічаць у форуме, але прыслаў у Кіеў свайго прадстаўніка.
У расейскіх мэдыях ужо зьявіліся першыя водгукі на ўтварэньне новай супольнасьці. Так, інфармацыйны вэб-сайт “gazeta.ru” назваў новую супольнасьць “Недружественным содружеством”.
Асобныя ўкраінскія камэнтатары таксама лічаць, што форум аслабіць лідэрства Расеі ў рэгіёне. Электронная газэта “Ўкраінская праўда” адразу ж пасьля завяршэньня форуму напісала, што “Юшчанка і ягоныя сябры стварылі новы СНД”.
Аднак, украінскі прэзыдэнт Віктар Юшчанка падкрэсьліў, што нельга разглядаць Супольнасьць, як накіраваную супраць Масквы ці расейскага дамінаваньня ў Садружнасьці незалежных дзяржаў (СНД).
(Юшчанка: ) “Наша ініцыятыва не накіраваная супраць нейкіх трэціх краінаў ці інстытутаў. Наадварот, я бачу гэта як адкрыты дыялёг паміж сябрамі, прыхільнікамі ідэяў разьвіцьця дэмакратыі і перамогі закону.”
У форуме ўдзельнічалі высокапастаўленыя прадстаўнікі Польшчы, Азэрбайджану, кіраўнік АБСЭ і Рады Эўропы. Яны віталі новую дэмакратычную ініцыятыву дзевяці краінаў.
Гаворыць намесьнік дзяржаўнага сакратара ЗША Пола Дабранскі:
(Дабранскі: ) “Будаўніцтва дэмакратыі патрабуе стварэньня інстытутаў, якія падтрымліваюць свабоду. Дэмакратыі ў розных краінах могуць выглядаць па-рознаму, але кожнае дэмакратычнае грамадзтва павінна прытрымлівацца законаў, абмяжоўваць уладу дзяржавы і паважаць правы ўсіх грамадзянаў”.
Гэтыя прынцыпы былі сёньня разьвітыя прэзыдэнтамі дзевяці краінаў з Балканаў, Балтыкі і Чарнаморскага рэгіёну, якія і падпісалі ў Кіеве канчатковую дэклярацыю.
У ёй яны абавязаліся шчыльна супрацоўнічаць дзеля “ўмацаваньня міру, дэмакратыі і паляпшэньня дабрабыту на эўрапейскім кантынэнце”.
Прэзыдэнт Расеі Уладзімер Пуцін не прыняў запрашэньня ўдзельнічаць у форуме, але прыслаў у Кіеў свайго прадстаўніка.
У расейскіх мэдыях ужо зьявіліся першыя водгукі на ўтварэньне новай супольнасьці. Так, інфармацыйны вэб-сайт “gazeta.ru” назваў новую супольнасьць “Недружественным содружеством”.
Асобныя ўкраінскія камэнтатары таксама лічаць, што форум аслабіць лідэрства Расеі ў рэгіёне. Электронная газэта “Ўкраінская праўда” адразу ж пасьля завяршэньня форуму напісала, што “Юшчанка і ягоныя сябры стварылі новы СНД”.
Аднак, украінскі прэзыдэнт Віктар Юшчанка падкрэсьліў, што нельга разглядаць Супольнасьць, як накіраваную супраць Масквы ці расейскага дамінаваньня ў Садружнасьці незалежных дзяржаў (СНД).
(Юшчанка: ) “Наша ініцыятыва не накіраваная супраць нейкіх трэціх краінаў ці інстытутаў. Наадварот, я бачу гэта як адкрыты дыялёг паміж сябрамі, прыхільнікамі ідэяў разьвіцьця дэмакратыі і перамогі закону.”
У форуме ўдзельнічалі высокапастаўленыя прадстаўнікі Польшчы, Азэрбайджану, кіраўнік АБСЭ і Рады Эўропы. Яны віталі новую дэмакратычную ініцыятыву дзевяці краінаў.
Гаворыць намесьнік дзяржаўнага сакратара ЗША Пола Дабранскі:
(Дабранскі: ) “Будаўніцтва дэмакратыі патрабуе стварэньня інстытутаў, якія падтрымліваюць свабоду. Дэмакратыі ў розных краінах могуць выглядаць па-рознаму, але кожнае дэмакратычнае грамадзтва павінна прытрымлівацца законаў, абмяжоўваць уладу дзяржавы і паважаць правы ўсіх грамадзянаў”.
