Лінкі ўнівэрсальнага доступу

Як у Беларусі дзейнічае сьмяротнае пакараньне?


Алег Грузьдзіловіч, Менск Беларусь — адна зь нямногіх краінаў Усходняй Эўропы, дзе Крымінальны кодэкс прадугледжвае сьмяротнае пакараньне. Але, калі ў канцы мінулага стагодзьдзя колькасьць пакараных сьмерцю за год даходзіла да 45 чалавек, то потым гэты паказьнік паступова зьніжаўся.

У 2003 годзе было вынесена 7 сьмяротных прысудаў, праз год — 5. З 2005 году ў Беларусі дзейнічае мараторый на выкананьне сьмяротных прысудаў, аднак суды працягваюць прызначаць найвышэйшую меру пакараньня.

Паводле крыніцаў у міліцыі, у Беларусі караюць сьмерцю праз расстрэл. Вядома прынамсі адно месца выкананьня такіх прысудаў — у адной зь вежаў былога Пішчалаўскага замку ў Менску, дзе цяпер знаходзіцца менскі сьледчы ізалятар. Для асуджаных на сьмерць перадсьмяротнага спатканьня са сваякамі не прадугледжваецца. Целы расстраляных сваякам не выдаюць, месца іх пахаваньня не паведамляюць.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG