Дэпутат Палаты прадстаўнікоў Сяргей Гайдукевіч заявіў сёньня Радыё Свабода, што ён у “палітычным шоку” ад прынятых у першым чытаньні паправак у Крымінальны і Крымінальна-працэсуальны кодэксы Беларусі. Яны прадугледжваюць, сярод іншага, крымінальную адказнасьць за дыскрэдытацыю Беларусі. Сяргей Гайдукевіч, які ня браў удзелу ў галасаваньні, лічыць прапанаваны праект вялікай памылкай кіраўніцтва Беларусі.
(Гайдукевіч: ) “Рашэньне абсалютна непрадуманае. Дзякуй Богу, што ў першым чытаньні. Гэта выклікае незразумелую рэакцыю вакол Беларусі. Для мяне і як кандыдата на прэзыдэнта, і як лідэра партыі незразумела, што адбываецца. Гэты непрадуманы крок, які дасьць абсалютна адваротны эфэкт, чым плянавалі. За дзесяць гадоў мяне ўпершыню зьдзівілі. Я дэпутат, я буду рабіць пэўныя захады і тлумачыць, што ёсьць пытаньні, якія нельга такім чынам вырашаць. Нічога добрага ня будзе”.
Дэпутатка Вольга Абрамава, якая гэтаксама не прысутнічала на галасаваньні, кажа, што не прагаласавала б за прапанаваны праект, аднак ёй зразумелая лёгіка дзяржавы ў гэтых дзеяньнях.
(Абрамава: ) “Гэта спроба абараніць дзяржаву, найперш яе імідж ад нэгатыўнага вонкавага ўзьдзеяньня. Як палітык, я часта сутыкаюся з сытуацыяй, якая там прапісана. У Беларусі дастаткова палітыкаў, якія, калі знаходзяца за мяжой, падаюць абсалютна скажоную карціну таго, што адбываецца ў Беларусі”.
Дэпутат Сяргей Касьцян галасаваў за прапанаваныя папраўкі ў крымінальнае заканадаўства.
(Касьцян: ) “Я гэта рабіў, таму што мне вельмі дарагая мая радзіма, і я не жадаю, каб яе таптаў амэрыканскі бот”.
Калі прапанаваныя папраўкі набудуць моц закону, яны нэгатыўным чынам паўплываюць і на дзейнасьць незалежных мэдыяў, лічыць рэдактар газэты “Салідарнасьць” Аляксандар Старыкевч. Паводле яго, гэта яшчэ адзін рычаг для ціску на незалежныя СМІ.
(Старыкевіч: ) “Будзе яшчэ адна дубіна ў руках улады. Трэба зазначыць, што нашая практыка горшая за любое заканадаўства. Усё роўна, калі ўлада пажадае зьнішчыць любую газэту, то яна зможа зьнішчыць яе ў самы кароткі тэрмін”.
Рэдактар штотыднёвіка “Белорусы и рынок” Вячаслаў Хадасоўскі прагназуе ўзмацненьне ўнутранай цэнзуры ў незалежных мэдыях. Спадар Хадасоўскі лічыць, што яшчэ існуе шанец, што папраўкі ня будуць прынятыя з прычыны адыёзнасьці праекту. Шэф-рэдактар незалежнай газэты “Народная Воля” Сьвятлана Калінкіна зьвяртае ўвагу, што папраўкі ў крымінальнае заканадаўства незалежных мэдыяў наўпрост ня тычацца, аднак, паводле спадарыні Калінкінай, улада дае знак, што будзе вельмі жорстка распраўляцца з усімі, хто мае настрой на супраціў.
(Калінкіна: ) “Гэтыя папраўкі супярэчаць нашай Канстытуцыі, але ўсё ж гэта не спыніла ні Сухарэнку, ні Лукашэнку, які на самой справе падпісаў і накіраваў у парлямэнт праект такога закону”.
У прынятых у першым чытаньні папраўках прадугледжваецца ўнясеньне ў Крымінальны кодэкс палажэньня аб крымінальнай адказнасьці за зварот да іншаземнай дзяржавы з заклікам гвалтоўнага ўмяшаньня альбо эканамічнай блякады. Прапануецца гэтаксама ўнесьці артыкул “незаконная арганізацыя дзейнасьці грамадзкага аб’яднаньня, фонду альбо ўдзел у іх дзейнасьці”.
(Гайдукевіч: ) “Рашэньне абсалютна непрадуманае. Дзякуй Богу, што ў першым чытаньні. Гэта выклікае незразумелую рэакцыю вакол Беларусі. Для мяне і як кандыдата на прэзыдэнта, і як лідэра партыі незразумела, што адбываецца. Гэты непрадуманы крок, які дасьць абсалютна адваротны эфэкт, чым плянавалі. За дзесяць гадоў мяне ўпершыню зьдзівілі. Я дэпутат, я буду рабіць пэўныя захады і тлумачыць, што ёсьць пытаньні, якія нельга такім чынам вырашаць. Нічога добрага ня будзе”.
Дэпутатка Вольга Абрамава, якая гэтаксама не прысутнічала на галасаваньні, кажа, што не прагаласавала б за прапанаваны праект, аднак ёй зразумелая лёгіка дзяржавы ў гэтых дзеяньнях.
(Абрамава: ) “Гэта спроба абараніць дзяржаву, найперш яе імідж ад нэгатыўнага вонкавага ўзьдзеяньня. Як палітык, я часта сутыкаюся з сытуацыяй, якая там прапісана. У Беларусі дастаткова палітыкаў, якія, калі знаходзяца за мяжой, падаюць абсалютна скажоную карціну таго, што адбываецца ў Беларусі”.
Дэпутат Сяргей Касьцян галасаваў за прапанаваныя папраўкі ў крымінальнае заканадаўства.
(Касьцян: ) “Я гэта рабіў, таму што мне вельмі дарагая мая радзіма, і я не жадаю, каб яе таптаў амэрыканскі бот”.
Калі прапанаваныя папраўкі набудуць моц закону, яны нэгатыўным чынам паўплываюць і на дзейнасьць незалежных мэдыяў, лічыць рэдактар газэты “Салідарнасьць” Аляксандар Старыкевч. Паводле яго, гэта яшчэ адзін рычаг для ціску на незалежныя СМІ.
(Старыкевіч: ) “Будзе яшчэ адна дубіна ў руках улады. Трэба зазначыць, што нашая практыка горшая за любое заканадаўства. Усё роўна, калі ўлада пажадае зьнішчыць любую газэту, то яна зможа зьнішчыць яе ў самы кароткі тэрмін”.
Рэдактар штотыднёвіка “Белорусы и рынок” Вячаслаў Хадасоўскі прагназуе ўзмацненьне ўнутранай цэнзуры ў незалежных мэдыях. Спадар Хадасоўскі лічыць, што яшчэ існуе шанец, што папраўкі ня будуць прынятыя з прычыны адыёзнасьці праекту. Шэф-рэдактар незалежнай газэты “Народная Воля” Сьвятлана Калінкіна зьвяртае ўвагу, што папраўкі ў крымінальнае заканадаўства незалежных мэдыяў наўпрост ня тычацца, аднак, паводле спадарыні Калінкінай, улада дае знак, што будзе вельмі жорстка распраўляцца з усімі, хто мае настрой на супраціў.
(Калінкіна: ) “Гэтыя папраўкі супярэчаць нашай Канстытуцыі, але ўсё ж гэта не спыніла ні Сухарэнку, ні Лукашэнку, які на самой справе падпісаў і накіраваў у парлямэнт праект такога закону”.
У прынятых у першым чытаньні папраўках прадугледжваецца ўнясеньне ў Крымінальны кодэкс палажэньня аб крымінальнай адказнасьці за зварот да іншаземнай дзяржавы з заклікам гвалтоўнага ўмяшаньня альбо эканамічнай блякады. Прапануецца гэтаксама ўнесьці артыкул “незаконная арганізацыя дзейнасьці грамадзкага аб’яднаньня, фонду альбо ўдзел у іх дзейнасьці”.
