Працягваецца галадоўка вязьня Івацэвіцкай калёніі Валера Леванеўскага, які пратэстуе супраць захадаў адказных супрацоўнікаў калёніі і патрабуе іх службовага пакараньня. Сёньня з Валерам Леванеўскім у калёніі сустрэўся ягоны адвакат Аляксандар Бярылаў. Вось што ён распавёў “Свабодзе”:
(Бярылаў: ) “Ён працягвае галадоўку, адчувае сябе больш-менш нармальна, але прыкметы галадоўкі ўсё ж відаць. Замаруджаная мова, цяжка яму сканцэнтравацца, калі нешта хоча сказаць. Мяркую, калі аслабляецца арганізм, ён гэтак сябе і паводзіць. Так ён збольшага ні на што ня скардзіцца, але відаць, што на восьмы дзень галадоўкі яму ўжо цяжка”.
Паводле Аляксандра Бярылава, Валер Леванеўскі ня думае саступаць і не мяняе сваіх патрабаваньняў. Лідэр гарадзенскіх прадпрымальнікаў пачаў галадоўку 13 лістапада. Валер Леванеўскі патрабуе адстаўкі двух адказных супрацоўнікаў калёніі, якія, паводле яго, ужылі супраць яго незаконныя захады — у прыватнасьці, зрабілі ператрус асабістых рэчаў вязьня, а калі знайшлі дробнае парушэньне, то пазбавілі яго спатканьня са сваякамі. Валер Леванеўскі лічыць, што гэтак зь ім папросту паквіталіся за ягоную пазыцыю ў абароне сваіх правоў і правоў іншых вязьняў.
Тое, што ў Івацэвіцкай калёніі ўжываюць незаконныя захады супраць вязьняў, пацьвердзілі сыну Валера Леванеўскага Ўладзімеру былыя вязьні, якія адбывалі пакараньне ў гэтай калёніі. Гэтымі днямі шмат хто зь іх тэлефанаваў і выказваў падтрымку Валеру Леванеўскаму.
(Уладзімер Леванеўскі: ) “Яны кажуць, што больш ня ведаюць такога выпадку, каб вязень гэтак упарта і самаахвярна змагаўся за свае правы, адстойваў сваю праўду, бараніў правы іншых зьняволеных”.
Адрозна ад мінулых галадовак Валера Леванеўскага, гэтая праходзіць у абстаноўцы замоўчваньня з боку адміністрацыі калёніі. Там мне адмовіліся даваць зьвесткі пра галадоўку Валера Леванеўскага і стан ягонага здароўя. Не ўдалося пагаварыць і з пракурорам Івацэвіцкага раёну, які ў адпаведнасьці з законам мусіць назіраць за галадоўкай вязьня. Аднак адвакат Аляксандар Бярылаў, спаслаўшыся на крыніцы ў пракуратуры, паведаміў, што там сочаць за галадоўкай Леванеўскага і нават паабяцалі праверыць ягоныя скаргі на супрацоўнікаў Івацэвіцкай калёніі.
Валер Леванеўскі летась быў асуджаны на 2 гады пазбаўленьня волі за паклёп на прэзыдэнта. Ва ўлётцы, якая была распаўсюджаная сярод гарадзенскіх прадпрымальнікаў, ён напісаў: “Прыйдзі і скажы, што ты супраць таго, каб нехта за твой кошт езьдзіў у Аўстрыю адпачываць, катацца на лыжах, жыць у сваё задавальненьне”. Арганізацыя “Міжнародная амністыя” прызнала Валера Леванеўскага вязьнем сумленьня.
Гл. таксама 39-дзень галадае ў турме прадпрымальнік Мікалай Аўтуховіч (абноўлены)
(Бярылаў: ) “Ён працягвае галадоўку, адчувае сябе больш-менш нармальна, але прыкметы галадоўкі ўсё ж відаць. Замаруджаная мова, цяжка яму сканцэнтравацца, калі нешта хоча сказаць. Мяркую, калі аслабляецца арганізм, ён гэтак сябе і паводзіць. Так ён збольшага ні на што ня скардзіцца, але відаць, што на восьмы дзень галадоўкі яму ўжо цяжка”.
Паводле Аляксандра Бярылава, Валер Леванеўскі ня думае саступаць і не мяняе сваіх патрабаваньняў. Лідэр гарадзенскіх прадпрымальнікаў пачаў галадоўку 13 лістапада. Валер Леванеўскі патрабуе адстаўкі двух адказных супрацоўнікаў калёніі, якія, паводле яго, ужылі супраць яго незаконныя захады — у прыватнасьці, зрабілі ператрус асабістых рэчаў вязьня, а калі знайшлі дробнае парушэньне, то пазбавілі яго спатканьня са сваякамі. Валер Леванеўскі лічыць, што гэтак зь ім папросту паквіталіся за ягоную пазыцыю ў абароне сваіх правоў і правоў іншых вязьняў.
Тое, што ў Івацэвіцкай калёніі ўжываюць незаконныя захады супраць вязьняў, пацьвердзілі сыну Валера Леванеўскага Ўладзімеру былыя вязьні, якія адбывалі пакараньне ў гэтай калёніі. Гэтымі днямі шмат хто зь іх тэлефанаваў і выказваў падтрымку Валеру Леванеўскаму.
(Уладзімер Леванеўскі: ) “Яны кажуць, што больш ня ведаюць такога выпадку, каб вязень гэтак упарта і самаахвярна змагаўся за свае правы, адстойваў сваю праўду, бараніў правы іншых зьняволеных”.
Адрозна ад мінулых галадовак Валера Леванеўскага, гэтая праходзіць у абстаноўцы замоўчваньня з боку адміністрацыі калёніі. Там мне адмовіліся даваць зьвесткі пра галадоўку Валера Леванеўскага і стан ягонага здароўя. Не ўдалося пагаварыць і з пракурорам Івацэвіцкага раёну, які ў адпаведнасьці з законам мусіць назіраць за галадоўкай вязьня. Аднак адвакат Аляксандар Бярылаў, спаслаўшыся на крыніцы ў пракуратуры, паведаміў, што там сочаць за галадоўкай Леванеўскага і нават паабяцалі праверыць ягоныя скаргі на супрацоўнікаў Івацэвіцкай калёніі.
Валер Леванеўскі летась быў асуджаны на 2 гады пазбаўленьня волі за паклёп на прэзыдэнта. Ва ўлётцы, якая была распаўсюджаная сярод гарадзенскіх прадпрымальнікаў, ён напісаў: “Прыйдзі і скажы, што ты супраць таго, каб нехта за твой кошт езьдзіў у Аўстрыю адпачываць, катацца на лыжах, жыць у сваё задавальненьне”. Арганізацыя “Міжнародная амністыя” прызнала Валера Леванеўскага вязьнем сумленьня.
Гл. таксама 39-дзень галадае ў турме прадпрымальнік Мікалай Аўтуховіч (абноўлены)
