Моцны вецер і сьнегапад у Беларусі не мінаюць ужо некалькі дзён. Найбольшая колькасьць ападкаў прыйшлася на Віцебскую і Менскую вобласьці, а таксама часткова на Магілёўскую. З прычыны наліпаньня мокрага сьнегу на драты тут былі зафіксаваныя шматлікія выпадкі аварыйнага адключэньня электрычнасьці, кажа дзяжурны Міністэрства надзвычайных сытуацыяў.
(Дзяжурны: ) “Па Віцебскай вобласьці былі адключэньні ў 935 населеных пунктах, а па Менскай — у 331. Сёньня яшчэ толькі ў Расонскім раёне працягваюцца працы, а так усе наступствы ліквідаваныя”.
Паводле інфармацыі міністэрства, ва ўмовах гораду надзвычайных здарэньняў з-за першага сьнегападу зафіксавана не было. Камунальныя службы таксама заяўляюць, што яны гатовыя да працы ў неспрыяльных зімовых умовах. Гаворыць намесьнік галоўнага інжынэра “Горрамаўтадару” Канстанцін Лось:
(Лось: ) “Як гэта мы можам быць не гатовыя? Неабходная колькасьць тэхнікі ў нас пастаянна дзяжурыць і пры любых умовах надвор’я мы гатовыя распачаць прыборку і ачыстку. І цяпер дарогі бязь сьнегу, таму ніякіх праблемаў я ня бачу на сёньня”.
Як паведамілі ў Дзяржаўтаінспэкцыі, істотнага павелічэньня колькасьці дарожна-транспартных здарэньняў у зьвязку зь першым сьнегападам у краіне зафіксавана не было, а стан дарожнага пакрыцьця застаецца здавальняючым. Ці задаволеныя працай камунальных службай кіроўцы і пешаходы? Цікаўлюся ў менскіх мінакоў:
(Карэспандэнтка: ) “Ці задаволеныя станам дарогі, як езьдзілася сёньня?”
(Спадар: ) “Ну, у галалёд жа заўсёды цяжка. Надвор’е ж дрэннае”.
(Спадар: ) “Небясьпечна езьдзіць, трэба езьдзіць акуратна. Па цэнтральных дарогах я ня езьдзіў, а бакавыя вуліцы — яны не прыбіраліся”.
(Спадар: ) “У горадзе слота, сьнег, а за горадам сухая дарога, нармалёва”.
(Карэспандэнтка: ) “Ці добра прыбіраюць у дварах?”
(Спадарыня: ) “Сьлізка, сьлізка хадзіць. Не пасыпаецца ні сольлю, нічым — вы ж самі бачыце. Службы недастаткова падрыхтаваныя да гэтага”.
Паводле Белгідрамэтцэнтру, днямі цыклён, які прынёс моцны вецер і сьнегапад, будзе слабець. Аднак сёньня на ўсёй тэрыторыі Беларусі абвешчанае штармавое папярэджаньне.
(Дзяжурны: ) “Па Віцебскай вобласьці былі адключэньні ў 935 населеных пунктах, а па Менскай — у 331. Сёньня яшчэ толькі ў Расонскім раёне працягваюцца працы, а так усе наступствы ліквідаваныя”.
Паводле інфармацыі міністэрства, ва ўмовах гораду надзвычайных здарэньняў з-за першага сьнегападу зафіксавана не было. Камунальныя службы таксама заяўляюць, што яны гатовыя да працы ў неспрыяльных зімовых умовах. Гаворыць намесьнік галоўнага інжынэра “Горрамаўтадару” Канстанцін Лось:
(Лось: ) “Як гэта мы можам быць не гатовыя? Неабходная колькасьць тэхнікі ў нас пастаянна дзяжурыць і пры любых умовах надвор’я мы гатовыя распачаць прыборку і ачыстку. І цяпер дарогі бязь сьнегу, таму ніякіх праблемаў я ня бачу на сёньня”.
Як паведамілі ў Дзяржаўтаінспэкцыі, істотнага павелічэньня колькасьці дарожна-транспартных здарэньняў у зьвязку зь першым сьнегападам у краіне зафіксавана не было, а стан дарожнага пакрыцьця застаецца здавальняючым. Ці задаволеныя працай камунальных службай кіроўцы і пешаходы? Цікаўлюся ў менскіх мінакоў:
(Карэспандэнтка: ) “Ці задаволеныя станам дарогі, як езьдзілася сёньня?”
(Спадар: ) “Ну, у галалёд жа заўсёды цяжка. Надвор’е ж дрэннае”.
(Спадар: ) “Небясьпечна езьдзіць, трэба езьдзіць акуратна. Па цэнтральных дарогах я ня езьдзіў, а бакавыя вуліцы — яны не прыбіраліся”.
(Спадар: ) “У горадзе слота, сьнег, а за горадам сухая дарога, нармалёва”.
(Карэспандэнтка: ) “Ці добра прыбіраюць у дварах?”
(Спадарыня: ) “Сьлізка, сьлізка хадзіць. Не пасыпаецца ні сольлю, нічым — вы ж самі бачыце. Службы недастаткова падрыхтаваныя да гэтага”.
Паводле Белгідрамэтцэнтру, днямі цыклён, які прынёс моцны вецер і сьнегапад, будзе слабець. Аднак сёньня на ўсёй тэрыторыі Беларусі абвешчанае штармавое папярэджаньне.
