МАСКВА. Прэм''ер-міністар прамаскоўскага ўраду Чачэнскай Рэспублікі Сяргей Абрамаў быў сёньня шпіталізаваны пасьля ўчорашняй аўтааварыі ў Маскве. Аўтамабіль Абрамава сутыкнуўся з грузавіком, ягоны кіроўца і целаахоўнік таксама былі параненыя. Паводле лекароў, стан Абрамава сур''ёзны, але стабільны. Памочнік Абрамава паведаміў, што прэм''ер застанецца ў шпіталі некалькі тыдняў.