Намесьнік кіраўніка рэгіянальнага штабу падтрымкі адзінага кандыдата Віктар Раманішка паведаміў:
(Раманішка: ) “У Рэчыцы, Сьветлагорску, Жлобіне ўжо пачалі разносіць улёткі з інфармацыяй пра Мілінкевіча”.
Магчымасьць лепей пазнаёміцца з Аляксандрам Мілінкевічам як прэтэндэнтам ад дэмакратычных сілаў на будучыя прэзыдэнцкія выбары зьявілася і ў жыхароў абласнога цэнтру. Распавядае каардынатар інфармацыйнай кампаніі ў Савецкім раёне Гомелю сябра Аб’яднанай грамадзянскай партыі Васіль Палякоў:
(Палякоў: ) “Інфармацыйныя матэрыялы зь біяграфічнымі зьвесткамі Мілінкевіча, са зьвесткамі, датычнымі Кангрэсу дэмакратычных сілаў, ужо атрымалі нашы агітатары, і яны раздаюць гэтыя матэрыялы жыхарам нашага раёну. Яны ўжо вядомыя”.
Я пацікавіўся ў некаторых выбарцаў, як яны ўспрынялі па сутнасьці першую інфармацыю пра Аляксандра Мілінкевіча — новага чалавека на палітычнай арэне Беларусі.
(Сяргей: ) “Мілінкевіча да гэтага часу я ня ведаў. Цяпер пазнаёміўся і бачу, што гэта чалавек інтэлігентны, таленавіты. Ён патрэбны Беларусі. На самай справе ня ўсё ў нашай краіне добра, і хочацца ўжо пераменаў”, — лічыць малады выбарца, які назваўся Сяргеем.
Інфармацыйная кампанія папярэднічае асабістаму знаёмству жыхароў рэгіёну з Аляксандрам Мілінкевічам. Як паінфармаваў кіраўнік рэгіянальнага штабу адзінага кандыдата ад дэмакратычных сілаў Уладзімер Кацора, у хуткім часе Аляксандар Мілінкевіч і сам наведае Гомель ды некаторыя іншыя гарады рэгіёну.
(Раманішка: ) “У Рэчыцы, Сьветлагорску, Жлобіне ўжо пачалі разносіць улёткі з інфармацыяй пра Мілінкевіча”.
Магчымасьць лепей пазнаёміцца з Аляксандрам Мілінкевічам як прэтэндэнтам ад дэмакратычных сілаў на будучыя прэзыдэнцкія выбары зьявілася і ў жыхароў абласнога цэнтру. Распавядае каардынатар інфармацыйнай кампаніі ў Савецкім раёне Гомелю сябра Аб’яднанай грамадзянскай партыі Васіль Палякоў:
(Палякоў: ) “Інфармацыйныя матэрыялы зь біяграфічнымі зьвесткамі Мілінкевіча, са зьвесткамі, датычнымі Кангрэсу дэмакратычных сілаў, ужо атрымалі нашы агітатары, і яны раздаюць гэтыя матэрыялы жыхарам нашага раёну. Яны ўжо вядомыя”.
Я пацікавіўся ў некаторых выбарцаў, як яны ўспрынялі па сутнасьці першую інфармацыю пра Аляксандра Мілінкевіча — новага чалавека на палітычнай арэне Беларусі.
(Сяргей: ) “Мілінкевіча да гэтага часу я ня ведаў. Цяпер пазнаёміўся і бачу, што гэта чалавек інтэлігентны, таленавіты. Ён патрэбны Беларусі. На самай справе ня ўсё ў нашай краіне добра, і хочацца ўжо пераменаў”, — лічыць малады выбарца, які назваўся Сяргеем.
Інфармацыйная кампанія папярэднічае асабістаму знаёмству жыхароў рэгіёну з Аляксандрам Мілінкевічам. Як паінфармаваў кіраўнік рэгіянальнага штабу адзінага кандыдата ад дэмакратычных сілаў Уладзімер Кацора, у хуткім часе Аляксандар Мілінкевіч і сам наведае Гомель ды некаторыя іншыя гарады рэгіёну.
