Суд Цэнтральнага раёну Менску зноў разьбіраецца з маёмасьцю, якую пастанавілі канфіскаваць у Міхаіла Марыніча. Нагадаю, амаль год таму суд Менскага раёну, які прызнаў былога міністра злодзеем, які скраў кампутары, пастанавіў канфіскаваць усю яго маёмасьць ўключна з маёмасьцю у кватэры, дзе палітык ня жыў ужо больш за тры гады пасьля разводу з былой жонкай.
Пад канфіскацыю падпалі і рэчы, на якія прэтэндуюць сыны Марыніча Ігар і Павал, бо яны жылі ў гэтай кватэры разам з бацькам і маці. У выніку сыны Марыніча разам зь першай жонкай Міхаіла Марыніча абскардзілі канфіскацыю маёмасьці ў судзе Цэнтральнага раёну Менску, але першы разгляд гэтай справы ўвесну аказаўся не на іх карысьць.
З маёмасьці ў кватэры, у якой дагэтуль жыве былая жонка Марыніча, суд пакінуў ёй прас, аднаму сыну– тэлевізар, другому – велятрэнажор. Аднак гэтае рашэньне адмяніла калегія Менскага гарадзкога суду і накіравала скаргу на паўторны разгляд. Зараз яе разглядае судзьдзя Валер Есьман. Пра вынікі першага дня працэсу распавёў Радыё Свабода Ігар Марыніч:
(Ігар Марыніч: ) “Пакуль усё пачалося, як мінулым разам, вельмі карэктна і ўважліва, але ёсьць варыянт, што можа і скончыцца, як мінулым разам, калі суд прызнаў, што мы нібыта ня маем ніякага дачыненьня да гэтай маёмасьці. Хочацца верыць, што гэтым разам будзе інакш, і суд будзе карыстацца законам, будзе сумленным, а ня будзе выконваць загад пакараць сям’ю Марыніча”.
Сёньня ў судзе выслухалі сьведак, якія пацьвярджалі, што пэўныя рэчы з кватэры Марыніча належалі сынам і ягонай былой жонцы. Некаторыя з гэтых сьведкаў ужо выступалі на папярэднім працэсе, але суд, як вядома, тады аддаў перавагу іншым меркаваньням. Цяпер судзьдзя Валер Есьман даў магчымасьць сваякам Міхаіла Марыніча пашукаць і прывесьці ў суд іншых сьведкаў. Працэс аднавіцца заўтра, 15 лістапада.
Нагадаем, Міхаіл Марыніч быў асуджаны на 3.5 гады зьняволеньня, але віны сваёй не прызнаў і заявіў, што яго пакаралі паводле палітычных меркаваньняў. Судовае рашэньне, паводле якога таксама была канфіскаваная маёмасьць Міхаіла Марыніча, ягоныя сваякі назвалі помстай ня толькі яму, яле і ягонай сям’і.
Пад канфіскацыю падпалі і рэчы, на якія прэтэндуюць сыны Марыніча Ігар і Павал, бо яны жылі ў гэтай кватэры разам з бацькам і маці. У выніку сыны Марыніча разам зь першай жонкай Міхаіла Марыніча абскардзілі канфіскацыю маёмасьці ў судзе Цэнтральнага раёну Менску, але першы разгляд гэтай справы ўвесну аказаўся не на іх карысьць.
З маёмасьці ў кватэры, у якой дагэтуль жыве былая жонка Марыніча, суд пакінуў ёй прас, аднаму сыну– тэлевізар, другому – велятрэнажор. Аднак гэтае рашэньне адмяніла калегія Менскага гарадзкога суду і накіравала скаргу на паўторны разгляд. Зараз яе разглядае судзьдзя Валер Есьман. Пра вынікі першага дня працэсу распавёў Радыё Свабода Ігар Марыніч:
(Ігар Марыніч: ) “Пакуль усё пачалося, як мінулым разам, вельмі карэктна і ўважліва, але ёсьць варыянт, што можа і скончыцца, як мінулым разам, калі суд прызнаў, што мы нібыта ня маем ніякага дачыненьня да гэтай маёмасьці. Хочацца верыць, што гэтым разам будзе інакш, і суд будзе карыстацца законам, будзе сумленным, а ня будзе выконваць загад пакараць сям’ю Марыніча”.
Сёньня ў судзе выслухалі сьведак, якія пацьвярджалі, што пэўныя рэчы з кватэры Марыніча належалі сынам і ягонай былой жонцы. Некаторыя з гэтых сьведкаў ужо выступалі на папярэднім працэсе, але суд, як вядома, тады аддаў перавагу іншым меркаваньням. Цяпер судзьдзя Валер Есьман даў магчымасьць сваякам Міхаіла Марыніча пашукаць і прывесьці ў суд іншых сьведкаў. Працэс аднавіцца заўтра, 15 лістапада.
Нагадаем, Міхаіл Марыніч быў асуджаны на 3.5 гады зьняволеньня, але віны сваёй не прызнаў і заявіў, што яго пакаралі паводле палітычных меркаваньняў. Судовае рашэньне, паводле якога таксама была канфіскаваная маёмасьць Міхаіла Марыніча, ягоныя сваякі назвалі помстай ня толькі яму, яле і ягонай сям’і.
