Назарбаеў не абяцае ніякіх радыкальных пераменаў, яго плятформа заснаваная на тым, што ён ужо дасягнуў за папярэднія 14 гадоў кіраваньня краінай. Першае, пра то ён згадвае на сустрэчах з выбарцамі – стабільнасьць:
(Назарбаеў: ) “Усе, хто кажа, што ў нас карупцыя, і тое і гэта, падманваюць казахстанцаў. Трэба іх гнаць у шыю, адправіць у Кіргізстан – хай паглядзяць, дзе насамрэч кепска. Зразумела? Вось гэта мой зварот да Казахстану”.
У 1997 годзе Назарбаеў прыдумаў праграму пад назвай “Стратэгічны плян разьвіцьця да 2030 году”. Шмат хто жартаваў з гэтай нагоды, што Назарбаеў зьбіраецца заставацца пры ўладзе наступныя 33 гады.
Тым ня менш назіральнікі зьвяртаюць увагу, што Казахстан сапраўды зьяўляецца самай устойлівай краінай Сярэдняй Азіі. Сукупны нацыянальны прадукт у апошнія гады стабільна ўрастаў на 10% штогод. Жыцьцёвы ўзровень зьяўляецца самым высокім у Сярэдняй Азіі. Заробкі, стыпэндыі і пэнсіі выплачваюцца своечасова, дэманстарцыі пратэсту рэдкія. На думку Тані Малкалм, экспэрткі з Эўразійскай групы ў Нью-Ёрку, лічбы падтрымкі Назарбаева сапраўдныя:
(Малкалм: ) “Сапраўды, адносна іншых краінаў Сярэдняй Азіі, Казахстан валодае большай палітычнай стабільнасьцю і больш разьвіты эканамічна. Вядома, гэта зьвязана з даходамі ад продажу нафты і газу. Так што ня гледзячы на відавочныя праблемы зь беднасьцю, карупцыяй і недахопам палітычных свабодаў, адносна іншых краінаў рэгіёну сытуацыя ў Казахстане лепшая”.
Апазыцыя прапануе выбарцам дэмакратычныя свабоды, барацьбу з карупцыяй і адкрытую эканоміку, не заснаваную на сямейных кланах.
Арганізацыя Бясьпекі і супрацоўніцтва ў Эўропе (АБСЭ) ні разу не прызнавала ніводныя казахскія выбары свабоднымі і справядлівымі. Эўразьвяз на мінулым тыдні заклікаў казахскія ўлады даць апазыцыі роўныя магчымасьці і доступ да мэдыяў.
Варта дадаць, што мінулае пятніцы ў сваім доме быў знойдзены застрэленым дзеяч казахскай апазыцыі Заманбэк Нуркадзілаў – раней ён быў прыхільнікам Назарбаева, але два гады таму перайшоў у апазыцыю.
(Назарбаеў: ) “Усе, хто кажа, што ў нас карупцыя, і тое і гэта, падманваюць казахстанцаў. Трэба іх гнаць у шыю, адправіць у Кіргізстан – хай паглядзяць, дзе насамрэч кепска. Зразумела? Вось гэта мой зварот да Казахстану”.
У 1997 годзе Назарбаеў прыдумаў праграму пад назвай “Стратэгічны плян разьвіцьця да 2030 году”. Шмат хто жартаваў з гэтай нагоды, што Назарбаеў зьбіраецца заставацца пры ўладзе наступныя 33 гады.
Тым ня менш назіральнікі зьвяртаюць увагу, што Казахстан сапраўды зьяўляецца самай устойлівай краінай Сярэдняй Азіі. Сукупны нацыянальны прадукт у апошнія гады стабільна ўрастаў на 10% штогод. Жыцьцёвы ўзровень зьяўляецца самым высокім у Сярэдняй Азіі. Заробкі, стыпэндыі і пэнсіі выплачваюцца своечасова, дэманстарцыі пратэсту рэдкія. На думку Тані Малкалм, экспэрткі з Эўразійскай групы ў Нью-Ёрку, лічбы падтрымкі Назарбаева сапраўдныя:
(Малкалм: ) “Сапраўды, адносна іншых краінаў Сярэдняй Азіі, Казахстан валодае большай палітычнай стабільнасьцю і больш разьвіты эканамічна. Вядома, гэта зьвязана з даходамі ад продажу нафты і газу. Так што ня гледзячы на відавочныя праблемы зь беднасьцю, карупцыяй і недахопам палітычных свабодаў, адносна іншых краінаў рэгіёну сытуацыя ў Казахстане лепшая”.
Апазыцыя прапануе выбарцам дэмакратычныя свабоды, барацьбу з карупцыяй і адкрытую эканоміку, не заснаваную на сямейных кланах.
Арганізацыя Бясьпекі і супрацоўніцтва ў Эўропе (АБСЭ) ні разу не прызнавала ніводныя казахскія выбары свабоднымі і справядлівымі. Эўразьвяз на мінулым тыдні заклікаў казахскія ўлады даць апазыцыі роўныя магчымасьці і доступ да мэдыяў.
Варта дадаць, што мінулае пятніцы ў сваім доме быў знойдзены застрэленым дзеяч казахскай апазыцыі Заманбэк Нуркадзілаў – раней ён быў прыхільнікам Назарбаева, але два гады таму перайшоў у апазыцыю.