БІШКЕК: Францускія вайскоўцы дыслякаваныя ў авія-базе Ганці ў Кіргізстане пакінулі гэтую краіну. Учора, пасьля заканчэньня сваёй місіі 60 францускіх вайскоўцаў накіраваліся самалётамі ў Таджыкістан. Міжнародныя сілы скарыстоўваюць базу Ганці для міратворчых і гуманітарных апэрацыяў ў Аўганістане. Паводле вайсковага аташэ французкай амбасады ў Душанбэ, францускі кантынгэнт быў разьмешчаны ў Кіргізстане і Таджыкістане толькі на тэрмін трох месяцаў, каб дапамагчы міжнародным сілам ў Аўганістане гарантаваць бясьпеку перад і пасьля выбараў.