БРУСЭЛЬ. Міністры замежных справаў Эўрапейскага Зьвязу ўхвалілі заяву, у якой папярэджваюць Беларусь аб магчымасьці ўвядзеньня санкцыяў, калі выбары беларускага прэзыдэнта ў 2006 годзе ня будуць свабоднымі й сумленнымі. Міністар замежных справаў Вялікай Брытаніі Джэк Стро зазначыў, што ў разе нежаданьня афіцыйнага Менску прытрымлівацца міжнародных стандартаў могуць быць зробленыя такія захады, як адмова ў выдачы візаў беларускім высокапастаўленым чыноўнікам.