На зьезд абрана каля ста пяцідзесяці дэлегатаў з розных рэгіёнаў краіны, а таксама з замежных суполак Таварыства беларускае мовы імя Францішка Скарыны.
На сёньня ТБМ – гэта самая масавая грамадзкая арганізацыя абаронцаў нацыянальных каштоўнасьцяў. Дэлегаты зьезду будуць прадстаўляць сямітысячныя шэрагі афіцыйна зарэгістраваных сяброў таварыства ў Беларусі і трыста замежных грамадзянаў.
Зьезд справаздачна-выбарчы, аднак на ім плянуецца прыняцьцё некалькіх дакумэнтаў па надзённых праблемах. Гаворыць старшыня ТБМ Алег Трусаў:
(Трусаў: ) “Плянуем прыняць заяву аб стане беларускага тэлебачаньня, другая – пра неабходнасьць адкрыцьця нацыянальнага унівэрсытэту з выкладаньнем па-беларуску, зварот да ўдзельнікаў будучых прэзыдэнцкіх выбараў наступнага году, да Эўракамісіі, каб “Дойчэ вэле” па-расейску ня ішло, і аб стане беларускай мовы на сёньняшні дзень”.
Чарговы зьезд ТБМ арганізатары меркавалі правесьці ў вялікай залі Дому літаратара, аднак, як паведаміў нам Алег Трусаў, атрымалі адмову.
(Трусаў: ) “Далі заяўку загадзя за паўтары месяцы і атрымалі адказ, што на 30-га заля занятая іншым мерапрыемствам”.
Дзе будзе праводзіцца чарговы зьезд ТБМ, на сёньня шырокай грамадзкасьці арганізатары не паведамляюць, перасьцерагаючыся, кажа старшыня ТБМ, мажлівых правакацыяў.
(Трусаў: ) “Правакацыі могуць быць. Вось сёньня нам ужо дзьверы пабілі – нехта камень кінуў, перад гэтым шыльду. Таму мы спэцыяльна не даем нідзе ніякай інфармацыі, каб усялякія "нацыянал-бальшавікі" не хадзілі і шкоды не рабілі”.
На сёньня ТБМ – гэта самая масавая грамадзкая арганізацыя абаронцаў нацыянальных каштоўнасьцяў. Дэлегаты зьезду будуць прадстаўляць сямітысячныя шэрагі афіцыйна зарэгістраваных сяброў таварыства ў Беларусі і трыста замежных грамадзянаў.
Зьезд справаздачна-выбарчы, аднак на ім плянуецца прыняцьцё некалькіх дакумэнтаў па надзённых праблемах. Гаворыць старшыня ТБМ Алег Трусаў:
(Трусаў: ) “Плянуем прыняць заяву аб стане беларускага тэлебачаньня, другая – пра неабходнасьць адкрыцьця нацыянальнага унівэрсытэту з выкладаньнем па-беларуску, зварот да ўдзельнікаў будучых прэзыдэнцкіх выбараў наступнага году, да Эўракамісіі, каб “Дойчэ вэле” па-расейску ня ішло, і аб стане беларускай мовы на сёньняшні дзень”.
Чарговы зьезд ТБМ арганізатары меркавалі правесьці ў вялікай залі Дому літаратара, аднак, як паведаміў нам Алег Трусаў, атрымалі адмову.
(Трусаў: ) “Далі заяўку загадзя за паўтары месяцы і атрымалі адказ, што на 30-га заля занятая іншым мерапрыемствам”.
Дзе будзе праводзіцца чарговы зьезд ТБМ, на сёньня шырокай грамадзкасьці арганізатары не паведамляюць, перасьцерагаючыся, кажа старшыня ТБМ, мажлівых правакацыяў.
(Трусаў: ) “Правакацыі могуць быць. Вось сёньня нам ужо дзьверы пабілі – нехта камень кінуў, перад гэтым шыльду. Таму мы спэцыяльна не даем нідзе ніякай інфармацыі, каб усялякія "нацыянал-бальшавікі" не хадзілі і шкоды не рабілі”.
