Паводле нямецкіх журналістаў, Валдас Адамкус ёсьць чалавекам, які любіць пра ўсё гаварыць адкрытым тэкстам. У часе прэсавай канфэрэнцыі ён выглядаў вельмі шчырым суразмоўцам і вельмі канкрэтна выказваўся пра дачыненьні сваёй краіны з НАТО і Эўразьвязам, а таксама Расеяй і Беларусьсю.
Бэрлінскі журналіст Дытрых Александр, супрацоўнік “Die Welt” гаворыць:
(Дытрых Александр: ) “Спачатку спадар Адамкус гаварыў пра дачыненьні з Расеяй, пра тое, што тут для Літвы можа быць толькі эканамічная небясьпека, паколькі Расея па-ранейшаму адыгрывае вялікую ролю ў эканоміцы краінаў Балтыі. Аднак, у пляне вайсковым, паведаміў ён, тут нейкай небясьпекі для Літвы няма. Яна адчувае сябе надзейна ў межах Эўразьвязу. Аднак потым размова перайшла на беларускую тэму, і Адамкус заявіў, што вельмі заклапочаны тым, што ў дачыненьнях зь Беларусьсю няма празрыстасьці.
“Ты прачынаесься ў Вільні і ня ведаеш, што адбылося ў суседнім Менску” І таму ён ня можа выключыць такой верагоднасьці, што беларускае войска аднойчы не нападзе на ягоную краіну. Гэта было сказана сур''ёзна.
Тады хтосьці з журналістаў запытаўся: а хіба вас не абароняць саюзьнікі па НАТО ці Эўразьвязу? Адамкус адказаў: калі тыя прыйдуць, Літва ўжо можа быць занятай. Так хутка ні НАТО, ні Эўразьвязу прарэагаваць ня змогуць.”
У часе размовы журналіст нямецкай "Die Welt" падкрэсьліў, што словы літоўскага прэзыдэнта прагучалі без усялякага іранічнага падтэксту. У размове спадара Адамкуса адчувалася сапраўдная заклапочанасьць, што да непрадказальнасьці афіцыйнага Менску.
***
Тым часам, як піша "Frankfurter Allgemeine", Валдас Адамкус абверг тыя выпады з боку афіцыйнай Масквы наконт таго, што Літва, гэтак мовіць, зьбіраецца экспартаваць рэвалюцыю ў суседнюю Беларусь, хаця Вільня і ня робіць таямніцы з таго, што падтрымлівае беларускую апазыцыю і хоча распаўсюджваць па-за межамі сваёй краіны каштоўнасьці адкрытага грамадзтва.
Паводле Адамкуса, Вільня па-ранейшаму настойвае на больш моцнай і дакладнай добрасуседзкай палітыцы ў дачыненьні да Беларусі. Вільня рашуча нязгодная з той беларускай палітыкай, якая праводзілася Брусэлем дагэтуль. Гэтак званая сумесь крытыкі, стымуляваньня і санкцыяў не прынесла посьпеху. Далейшая ізаляцыя Беларусь можа нанесьці шкоду ізаляваным ад Захаду беларускім грамадзянам, якія маглі б ажыцьцявіць у краіне пазытыўныя перамены.
Літоўскі прэзыдэнт мае прабыць у Нямеччыне яшчэ некалькі дзён.
Гл. таксама Прэзыдэнт Літвы не выключае, што войска Лукашэнкі можа атакаваць Літву
Бэрлінскі журналіст Дытрых Александр, супрацоўнік “Die Welt” гаворыць:
(Дытрых Александр: ) “Спачатку спадар Адамкус гаварыў пра дачыненьні з Расеяй, пра тое, што тут для Літвы можа быць толькі эканамічная небясьпека, паколькі Расея па-ранейшаму адыгрывае вялікую ролю ў эканоміцы краінаў Балтыі. Аднак, у пляне вайсковым, паведаміў ён, тут нейкай небясьпекі для Літвы няма. Яна адчувае сябе надзейна ў межах Эўразьвязу. Аднак потым размова перайшла на беларускую тэму, і Адамкус заявіў, што вельмі заклапочаны тым, што ў дачыненьнях зь Беларусьсю няма празрыстасьці.
“Ты прачынаесься ў Вільні і ня ведаеш, што адбылося ў суседнім Менску” І таму ён ня можа выключыць такой верагоднасьці, што беларускае войска аднойчы не нападзе на ягоную краіну. Гэта было сказана сур''ёзна.
Тады хтосьці з журналістаў запытаўся: а хіба вас не абароняць саюзьнікі па НАТО ці Эўразьвязу? Адамкус адказаў: калі тыя прыйдуць, Літва ўжо можа быць занятай. Так хутка ні НАТО, ні Эўразьвязу прарэагаваць ня змогуць.”
У часе размовы журналіст нямецкай "Die Welt" падкрэсьліў, што словы літоўскага прэзыдэнта прагучалі без усялякага іранічнага падтэксту. У размове спадара Адамкуса адчувалася сапраўдная заклапочанасьць, што да непрадказальнасьці афіцыйнага Менску.
***
Тым часам, як піша "Frankfurter Allgemeine", Валдас Адамкус абверг тыя выпады з боку афіцыйнай Масквы наконт таго, што Літва, гэтак мовіць, зьбіраецца экспартаваць рэвалюцыю ў суседнюю Беларусь, хаця Вільня і ня робіць таямніцы з таго, што падтрымлівае беларускую апазыцыю і хоча распаўсюджваць па-за межамі сваёй краіны каштоўнасьці адкрытага грамадзтва.
Паводле Адамкуса, Вільня па-ранейшаму настойвае на больш моцнай і дакладнай добрасуседзкай палітыцы ў дачыненьні да Беларусі. Вільня рашуча нязгодная з той беларускай палітыкай, якая праводзілася Брусэлем дагэтуль. Гэтак званая сумесь крытыкі, стымуляваньня і санкцыяў не прынесла посьпеху. Далейшая ізаляцыя Беларусь можа нанесьці шкоду ізаляваным ад Захаду беларускім грамадзянам, якія маглі б ажыцьцявіць у краіне пазытыўныя перамены.
Літоўскі прэзыдэнт мае прабыць у Нямеччыне яшчэ некалькі дзён.
Гл. таксама Прэзыдэнт Літвы не выключае, што войска Лукашэнкі можа атакаваць Літву