НАЗРАНЬ: Мінулай ночы невядомыя нападнікі абстралялі з аўтаматаў дом начальніка мясцовага АМОН-у Рашыда Ганіжэва. У выніку атакі быў паранены ягоны брат. У вёсцы Яндар адбылося 5 нападаў на дамы супрацоўнікаў праваахоўных органаў. Пра ахвяры не паведамляецца. Знойдзена пакінутыя два аўтамабілі, на якіх праўдападобна нападнікі ўцяклі з месца злачынства. Паводле расейскіх крыніцаў, каля 60 ўзброеных чалавек хаваюцца ў навакольных лясах. На мінулым тыдні ў баёх ў Кабардзіна-Балкарыі загінулі больш як 130 чалавек.